|
Incipit
V.
Domine labia +
mea aperies.
R.
Et os meum annuntiabit laudem tuam.
V.
Deus +
in adjutorium meum
intende.
R.
Domine, ad adjuvandum me festina.
V.
Glória Patri, et Fílio, * et Spirítui Sancto.
R.
Sicut erat in princípio, et nunc, et semper, * et in saecula
saeculórum. Amen
Alleluia
Invitatorium
{Antiphona ex Commune aut Festum}
Ant.
Sancta Maria Dei Genitrix Virgo,* Intercede pro nobis.
Ant.
Sancta Maria Dei Genitrix Virgo,* Intercede pro nobis.
Venite,
exsultemus Domino, jubilemus Deo, salutari nostro: praeoccupemus
faciem ejus in confessione, et in psalmis jubilemus ei.
Ant.
Sancta Maria Dei Genitrix Virgo,* Intercede pro nobis.
Quoniam
Deus magnus Dominus, et Rex magnus super omnes deos, quoniam non
repellet Dominus plebem suam: quia in manu ejus sunt omnes fines
terrae, et altitudines montium ipse conspicit.
Ant.
Intercede pro nobis.
Quoniam
ipsius est mare, et ipse fecit illud, et aridam fundaverunt
manus ejus venite, adoremus, et procidamus ante Deum: ploremus
coram Domino, qui fecit nos, quia ipse est Dominus, Deus noster;
nos autem populus ejus, et oves pascuae ejus.
Ant.
Sancta Maria Dei Genitrix Virgo,* Intercede pro nobis.
Hodie,
si vocem ejus audieritis, nolite obdurare corda vestra, sicut in
exacerbatione secundum diem tentationis in deserto: ubi
tentaverunt me patres vestri, probaverunt et viderunt opera mea.
Ant.
Intercede pro nobis.
Quadraginta
annis proximus fui generationi huic, et dixi; Semper hi errant
corde, ipsi vero non cognoverunt vias meas: quibus juravi in ira
mea; Si introibunt in requiem meam.
Ant.
Sancta Maria Dei Genitrix Virgo,* Intercede pro nobis.
V.
Glória Patri, et Fílio, * et Spirítui Sancto.
R.
Sicut erat in princípio, et nunc, et semper, * et in saecula
saeculórum. Amen
Ant.
Intercede pro nobis.
Ant.
Sancta Maria Dei Genitrix Virgo,* Intercede pro nobis.
Hymnus
{ex Commune aut Festum}
Quem
terra, pontus, sidera
Colunt, adorant, praedicant,
Trinam regentem machinam,
Claustrum Mariae bajulat.
Cui luna, sol, et omnia
Deserviunt per tempora,
Perfusa coeli gratia,
Gestant puellae viscera.
Beata Mater munere,
Cujus supernus artifex
Mundum pugillo continens,
Ventris sub arca clausus est.
Beata coeli nuntio,
Foecunda sancto Spiritu,
Desideratus gentibus,
Cujus per alvum fusus est.
Jesu tibi sit gloria,
Qui natus es de Virgine,
Cum Patre, et almo Spiritu
In sempiterna saecula.
Amen.
Psalmi cum lectionibus
{Antiphonas et Psalmi ex Proprio Sanctorum}
Nocturn I
Ant. A solis
ortu * usque ad occasum, magnum est nomen meum in gentibus
Psalmus 8
[1]
8:1
Dómine, Dóminus noster, * quam admirábile est nomen tuum in
univérsa terra!
8:2
Quóniam eleváta est magnificéntia tua, * super cælos.
8:3
Ex ore infántium et lacténtium perfecísti laudem propter
inimícos tuos, * ut déstruas inimícum et ultórem.
8:4
Quóniam vidébo cælos tuos, ópera digitórum tuórum: * lunam et
stellas, quæ tu fundásti.
8:5
Quid est homo quod memor es ejus? * aut fílius hóminis, quóniam
vísitas eum?
8:6
Minuísti eum paulo minus ab Ángelis, glória et honóre coronásti
eum: * et constituísti eum super ópera mánuum tuárum.
8:7
Omnia subjecísti sub pédibus ejus, * oves et boves univérsas:
ínsuper et pécora campi.
8:8
Vólucres cæli, et pisces maris, * qui perámbulant sémitas maris.
8:9
Dómine, Dóminus noster, * quam admirábile est nomen tuum in
univérsa terra!
V.
Glória Patri, et Fílio, * et Spirítui Sancto.
R.
Sicut erat in princípio, et nunc, et semper, * et in saecula
saeculórum. Amen
Ant.
A solis ortu * usque ad occasum, magnum est nomen meum in
gentibus
Ant. Ego in
altissimis * habitavit, et thronus meus in columna nubis
Psalmus 18
[2]
18:1
Cæli enárrant glóriam Dei: * et ópera mánuum ejus annúntiat
firmaméntum.
18:2
Dies diéi erúctat verbum, * et nox nocti índicat sciéntiam.
18:3
Non sunt loquélæ, neque sermónes, * quorum non audiántur voces
eórum.
18:4
In omnem terram exívit sonus eórum: * et in fines orbis terræ
verba eórum.
18:5
In sole pósuit tabernáculum suum: * et ipse tamquam sponsus
procédens de thálamo suo:
18:6
Exsultávit ut gigas ad curréndam viam, * a summo cælo egréssio
ejus:
18:7
Et occúrsus ejus usque ad summum ejus: * nec est qui se
abscóndat a calóre ejus.
18:8
Lex Dómini immaculáta, convértens ánimas: * testimónium Dómini
fidéle, sapiéntiam præstans párvulis.
18:9
Justítiæ Dómini rectæ, lætificántes corda: * præcéptum Dómini
lúcidum; illúminans óculos.
18:10
Timor Dómini sanctus, pérmanens in sæculum sæculi: * judícia
Dómini vera, justificáta in semetípsa.
18:11
Desiderabília super aurum et lápidem pretiósum multum: * et
dulcióra super mel et favum.
18:12
Étenim servus tuus custódit ea, * in custodiéndis illis
retribútio multa.
18:13
Delícta quis intélligit? ab occúltis meis munda me: * et ab
aliénis parce servo tuo.
18:14
Si mei non fúerint domináti, tunc immaculátus ero: * et
emundábor a delícto máximo.
18:15
Et erunt ut compláceant elóquia oris mei: * et meditátio cordis
mei in conspéctu tuo semper.
18:15
Dómine, adjútor meus, * et redémptor meus.
V.
Glória Patri, et Fílio, * et Spirítui Sancto.
R.
Sicut erat in princípio, et nunc, et semper, * et in saecula
saeculórum. Amen
Ant.
Ego in altissimis * habitavit, et thronus meus in columna nubis
Ant. Inventa
sum * a non quaerentibus me; palam apparui iis, qui me non
interrogabant
Psalmus 23
[3]
23:1
Dómini est terra, et plenitúdo ejus: * orbis terrárum, et
univérsi qui hábitant in eo.
23:2
Quia ipse super mária fundávit eum: * et super flúmina
præparávit eum.
23:3
Quis ascéndet in montem Dómini? * aut quis stabit in loco sancto
ejus?
23:4
Ínnocens mánibus et mundo corde, * qui non accépit in vano
ánimam suam, nec jurávit in dolo próximo suo.
23:5
Hic accípiet benedictiónem a Dómino: * et misericórdiam a Deo,
salutári suo.
23:6
Hæc est generátio quæréntium eum, * quæréntium fáciem Dei Jacob.
23:7
Attóllite portas, príncipes, vestras, et elevámini, portæ
æternáles: * et introíbit Rex glóriæ.
23:8
Quis est iste Rex glóriæ? * Dóminus fortis et potens: Dóminus
potens in prælio.
23:9
Attóllite portas, príncipes, vestras, et elevámini, portæ
æternáles: * et introíbit Rex glóriæ.
23:10
Quis est iste Rex glóriæ? * Dóminus virtútum ipse est Rex
glóriæ.
V.
Glória Patri, et Fílio, * et Spirítui Sancto.
R.
Sicut erat in princípio, et nunc, et semper, * et in saecula
saeculórum. Amen
Ant.
Inventa sum * a non quaerentibus me; palam apparui iis, qui me
non interrogabant
Ant.
Signum magnum * apparuit in caelo: Mulier amicta sole, et luna
sub pedibus ejus
Psalmus 44
[4]
44:1
Eructávit cor meum verbum bonum: * dico ego ópera mea Regi
44:2
Lingua mea cálamus scribæ: * velóciter scribéntis.
44:3
Speciósus forma præ fíliis hóminum, diffúsa est grátia in lábiis
tuis: * proptérea benedíxit te Deus in ætérnum.
44:4
Accíngere gládio tuo super femur tuum, * potentíssime.
44:5
Spécie tua et pulchritúdine tua: * inténde, próspere procéde, et
regna.
44:6
Propter veritátem, et mansuetúdinem, et justítiam: * et dedúcet
te mirabíliter déxtera tua.
44:7
Sagíttæ tuæ acútæ, pópuli sub te cadent: * in corde inimicórum
Regis.
44:8
Sedes tua, Deus, in sæculum sæculi: * virga directiónis virga
regni tui.
44:9
Dilexísti justítiam, et odísti iniquitátem: * proptérea unxit
te, Deus, Deus tuus, óleo lætítiæ præ consórtibus tuis.
44:10
Myrrha, et gutta, et cásia a vestiméntis tuis, a dómibus
ebúrneis: * ex quibus delectavérunt te fíliæ regum in honóre
tuo.
44:10
Ástitit regína a dextris tuis in vestítu deauráto: * circúmdata
varietáte.
44:11
Audi fília, et vide, et inclína aurem tuam: * et oblivíscere
populum tuum et domum patris tui.
44:12
Et concupíscet Rex decórem tuum: * quóniam ipse est Dóminus Deus
tuus, et adorábunt eum.
44:13
Et fíliæ Tyri in munéribus * vultum tuum deprecabúntur: omnes
dívites plebis.
44:14
Omnis glória ejus fíliæ Regis ab intus, * in fímbriis áureis
circumamícta varietátibus.
44:15
Adducéntur Regi vírgines post eam: * próximæ ejus afferéntur
tibi.
44:16
Afferéntur in lætítia et exsultatióne: * adducéntur in templum
Regis.
44:17
Pro pátribus tuis nati sunt tibi fílii: * constítues eos
príncipes super omnem terram.
44:18
Mémores erunt nóminis tui: * in omni generatióne et
generatiónem.
44:18
Proptérea pópuli confitebúntur tibi in ætérnum: * et in sæculum
sæculi.
V.
Glória Patri, et Fílio, * et Spirítui Sancto.
R.
Sicut erat in princípio, et nunc, et semper, * et in saecula
saeculórum. Amen
Ant.
Signum magnum * apparuit in caelo: Mulier amicta sole, et luna
sub pedibus ejus
Ant. Populus
qui ambulabat * in tenebris, vidit lucem magnam: habitantibus in
regione umbrae mortis, lux orta est eis
Psalmus 45
[5]
45:1
Deus noster refúgium, et virtus: * adjútor in tribulatiónibus,
quæ invenérunt nos nimis.
45:2
Proptérea non timébimus dum turbábitur terra: * et transferéntur
montes in cor maris.
45:3
Sonuérunt, et turbátæ sunt aquæ eórum: * conturbáti sunt montes
in fortitúdine ejus.
45:4
Flúminis ímpetus lætíficat civitátem Dei: * sanctificávit
tabernáculum suum Altíssimus.
45:5
Deus in médio ejus, non commovébitur: * adjuvábit eam Deus mane
dilúculo.
45:6
Conturbátæ sunt Gentes, et inclináta sunt regna: * dedit vocem
suam, mota est terra.
45:7
Dóminus virtútum nobíscum: * suscéptor noster Deus Jacob.
45:8
Veníte, et vidéte ópera Dómini, quæ pósuit prodígia super
terram: * áuferens bella usque ad finem terræ.
45:9
Arcum cónteret, et confrínget arma: * et scuta combúret igni.
45:10
Vacáte, et vidéte quóniam ego sum Deus: * exaltábor in Géntibus,
et exaltábor in terra.
45:11
Dóminus virtútum nobíscum: * suscéptor noster Deus Jacob.
V.
Glória Patri, et Fílio, * et Spirítui Sancto.
R.
Sicut erat in princípio, et nunc, et semper, * et in saecula
saeculórum. Amen
Ant.
Populus qui ambulabat * in tenebris, vidit lucem magnam:
habitantibus in regione umbrae mortis, lux orta est eis
Ant. Viderunt
omnes * termini terrae * salutare Dei nostri
Psalmus 86
[6]
86:1
Fundaménta ejus in móntibus sanctis: * díligit Dóminus portas
Sion super ómnia tabernácula Jacob.
86:2
Gloriósa dicta sunt de te, * cívitas Dei.
86:3
Memor ero Rahab, et Babylónis * sciéntium me.
86:4
Ecce, alienígenæ, et Tyrus, et pópulus Æthíopum, * hi fuérunt
illic.
86:5
Numquid Sion dicet: Homo, et homo natus est in ea: * et ipse
fundávit eam Altíssimus?
86:6
Dóminus narrábit in scriptúris populórum, et príncipum: * horum,
qui fuérunt in ea.
86:7
Sicut lætántium ómnium * habitátio est in te.
V.
Glória Patri, et Fílio, * et Spirítui Sancto.
R.
Sicut erat in princípio, et nunc, et semper, * et in saecula
saeculórum. Amen
Ant.
Viderunt omnes * termini terrae * salutare Dei nostri
Ant.
Tabernaculum Dei * Maria, in medio Civitatis ejus, et non
commovebitur
Psalmus 95
[7]
95:1
Cantáte Dómino cánticum novum: * cantáte Dómino, omnis terra.
95:2
Cantáte Dómino, et benedícite nómini ejus: * annuntiáte de die
in diem salutáre ejus.
95:3
Annuntiáte inter gentes glóriam ejus, * in ómnibus pópulis
mirabília ejus.
95:4
Quóniam magnus Dóminus, et laudábilis nimis: * terríbilis est
super omnes deos.
95:5
Quóniam omnes dii géntium dæmónia: * Dóminus autem cælos fecit.
95:6
Conféssio, et pulchritúdo in conspéctu ejus: * sanctimónia et
magnificéntia in sanctificatióne ejus.
95:7
Afférte Dómino, pátriæ géntium, afférte Dómino glóriam et
honórem: * afférte Dómino glóriam nómini ejus.
95:8
Tóllite hóstias, et introíte in átria ejus: * adoráte Dóminum in
átrio sancto ejus.
95:9
Commoveátur a fácie ejus univérsa terra: * dícite in géntibus
quia Dóminus regnávit.
95:10
Étenim corréxit orbem terræ qui non commovébitur: * judicábit
pópulos in æquitáte.
95:11
Læténtur cæli, et exsúltet terra: commoveátur mare, et plenitúdo
ejus: * gaudébunt campi, et ómnia quæ in eis sunt.
95:12
Tunc exsultábunt ómnia ligna silvárum a fácie Dómini, quia venit:
* quóniam venit judicáre terram.
95:13
Judicábit orbem terræ in æquitáte, * et pópulos in veritáte sua.
V.
Glória Patri, et Fílio, * et Spirítui Sancto.
R.
Sicut erat in princípio, et nunc, et semper, * et in saecula
saeculórum. Amen
Ant.
Tabernaculum Dei * Maria, in
medio Civitatis ejus, et non commovebitur
Ant.
Egressus es * in salutem populi tui, in salutem cum Christo tuo
Psalmus 96
[8]
96:1
Dóminus regnávit, exsúltet terra: * læténtur ínsulæ multæ.
96:2
Nubes, et calígo in circúitu ejus: * justítia, et judícium
corréctio sedis ejus.
96:3
Ignis ante ípsum præcédet, * et inflammábit in circúitu inimícos
ejus.
96:4
Illuxérunt fúlgura ejus orbi terræ: * vidit, et commóta est
terra.
96:5
Montes, sicut cera fluxérunt a fácie Dómini: * a fácie Dómini
omnis terra.
96:6
Annuntiavérunt cæli justítiam ejus: * et vidérunt omnes pópuli
glóriam ejus.
96:7
Confundántur omnes, qui adórant sculptília: * et qui gloriántur
in simulácris suis.
96:8
Adoráte eum, omnes Ángeli ejus: * audívit, et lætáta est Sion.
96:9
Et exsultavérunt fíliæ Judæ, * propter judícia tua, Dómine:
96:10
Quóniam tu Dóminus Altíssimus super omnem terram: * nimis
exaltátus es super omnes deos.
96:11
Qui dilígitis Dóminum, odíte malum: * custódit Dóminus ánimas
sanctórum suórum, de manu peccatóris liberábit eos.
96:12
Lux orta est justo, * et rectis corde lætítia.
96:13
Lætámini, justi, in Dómino: * et confitémini memóriæ
sanctificatiónis ejus.
V.
Glória Patri, et Fílio, * et Spirítui Sancto.
R.
Sicut erat in princípio, et nunc, et semper, * et in saecula
saeculórum. Amen
Ant.
Egressus es * in salutem populi tui, in salutem cum Christo tuo
Ant. Gloriosa
* dicta sunt de te, civitas Dei: fundavit te Dominus in montibus
sanctis
Psalmus 97
[9]
97:1
Cantáte Dómino cánticum novum: * quia mirabília fecit.
97:2
Salvávit sibi déxtera ejus: * et bráchium sanctum ejus.
97:3
Notum fecit Dóminus salutáre suum: * in conspéctu géntium
revelávit justítiam suam.
97:4
Recordátus est misericórdiæ suæ, * et veritátis suæ dómui
Israël.
97:5
Vidérunt omnes términi terræ * salutáre Dei nostri.
97:6
Jubiláte Deo, omnis terra: * cantáte, et exsultáte, et psállite.
97:7
Psállite Dómino in cíthara, in cíthara et voce psalmi: * in
tubis ductílibus, et voce tubæ córneæ.
97:8
Jubiláte in conspéctu regis Dómini: * moveátur mare, et
plenitúdo ejus: orbis terrárum, et qui hábitant in eo.
97:9
Flúmina plaudent manu, simul montes exsultábunt a conspéctu
Dómini: * quóniam venit judicáre terram.
97:10
Judicábit orbem terrárum in justítia, * et pópulos in æquitáte.
V.
Glória Patri, et Fílio, * et Spirítui Sancto.
R.
Sicut erat in princípio, et nunc, et semper, * et in saecula
saeculórum. Amen
Ant.
Gloriosa * dicta sunt de te, civitas Dei: fundavit te Dominus in
montibus sanctis
V.
Filii tui de longe venient.
R.
Et filiae tuae de latere surgent.
Pater
noster, qui es in caelis, Sanctificetur nomen tuum. Adveniat
regnum tuum. Fiat voluntas tua, sicut in coelo et in terra.
Panem nostrum quotidianum da nobis hodie. Et dimitte nobis
debita nostra, sicut et nos dimittimus debitoribus nostris.
V.
Et ne nos inducas in tentationem:
R.
Sed libera nos a malo.
Absolutio.
A vinculis peccatorum nostrorum absolvat nos omnipotens et misericors
Dominus. Amen.
V.
Jube, Domine, benedicere
Benedictio.
Ille nos benedicat, qui sine fine
vivit et regnat. Amen.
Lectio 1
De Libro Ecclesiatici
Sir 25:5-13
5
Quae in juventute tua non congregasti, quomodo in senectute tua
invenies?
6
Quam speciosum canitiei judicium, et presbyteris cognoscere
consilium !
7
Quam speciosa veteranis sapientia, et gloriosus intellectus et
consilium !
8
Corona senum multa peritia, et gloria illorum timor Dei.
9
Novem insuspicabilia cordis magnificavi: et decimum dicam in
lingua hominibus:
10
Homo qui jucundatur in filiis, vivens et videns subversionem
inimicorum suorum.
11
Beatus qui habitat cum muliere sensata, et qui lingua sua non
est lapsus, et qui non servivit indignis se.
12
Beatus qui invenit amicum verum, et qui enarrat justitiam auri
audienti.
13
Quam magnus qui invenit sapientiam et scientiam ! sed non est
super timentem Dominum.
V.
Tu autem Domine miserere nobis.
R.
Deo gratias
R.
Vidi speciosam sicut columbam ascendentem desuper rivos aquarum:
cujus inaestimabilis odor erat nimis in vestimentis ejus:
* Et sicut dies verni circumdabant eam flores rosarum, et lilia
convallium.
V.
Quae est ista, quae ascendit super desertum sicut virgule fumi,
ex aromatibus myrrhae et thuris?
R.
Et sicut dies verni circumdabant eam flores rosarum, et lilia
convallium.
V.
Jube, Domine, benedicere
Benedictio.
Divinum
auxilium maneat semper nobiscum. Amen.
Lectio 2
Sir 24:14-21
14
Ab initio et ante saecula creata sum, et usque ad futurum
saeculum non desinam: et in habitatione sancta coram ipso
ministravi.
15
Et sic in Sion firmata sum, et in civitate sanctificata
similiter requievi, et in Jerusalem potestas mea.
16
Et radicavi in populo honorificato, et in parte Dei mei
haereditas illius, et in plenitudine sanctorum detentio mea.
17
Quasi cedrus exaltata sum in Libano, et quasi cypressus in monte
Sion:
18
Quasi palma exaltata sum in Cades, et quasi plantatio rosae in
Jericho:
19
Quasi oliva speciosa in campis, et quasi platanus exaltata sum
juxta aquam in plateis.
20
Sicut cinnamomum et balsamum aromatizans odorem dedi; quasi
myrrha electa dedi suavitatem odoris:
21
Et quasi storax, et galbanus, et ungula, et gutta, et quasi
Libanus non incisus vaporavi habitationem meam, et quasi
balsamum non mistum odor meus.
Sir 24:22-31
22
Ego quasi terebinthus extendi ramos meos, et rami mei honoris et
gratiae.
23
Ego quasi vitis fructificavi suavitatem odoris: et flores mei
fructus honoris et honestatis.
24
Ego mater pulchrae dilectionis, et timoris, et agnitionis, et
sanctae spei.
25
In me gratia omnis viae et veritatis: in me omnis spes vitae et
virtutis.
26
Transite ad me, omnes qui concupiscitis me, et a generationibus
meis implemini:
27
Spiritus enim meus super mel dulcis, et haereditas mea super mel
et favum.
28
Memoria mea in generatione saeculorum.
29
Qui edunt me, adhuc esurient, et qui bibunt me, adhuc sitient.
30
Qui audit me non confundetur, et qui operantur in me non
peccabunt:
31
Qui elucidant me, vitam aeternam habebunt.
V.
Tu autem Domine miserere nobis.
R.
Deo gratias
R.
Quae est ista, quae ascendit sicut aurora consurgens, pulchra ut
luna, electa ut sol?
* Terribilis ut castrorum acies ordinata?
V.
Filia Sion, tota formosa et suavis es, pulchra ut luna, electa
ut sol.
R.
Terribilis ut castrorum acies ordinata?
V.
Glória Patri, et Fílio, * et Spirítui Sancto.
R.
Terribilis ut castrorum acies ordinata?
V.
Jube, Domine, benedicere
Benedictio.
Ad societatem
civium supernorum perducat nos Rex Angelorum. Amen.
Lectio 3
Anno a reparata salute millesimo quingentesimo trigesimo primo,
Deipara Virgo Joanni Didaco, pio rudique neophyto, Mexici in
colle Tepejacensi, uti antiqua et constanti traditione mandatur,
sese videndam praebuit, eumque peramanter alloquens, Episcopum
adire, ipsique aedem inibi sibi sacram excitandam nuntiare
jussit. Rei veritatem solerter exploraturus, responsionem
distulit Joannes de Zumarraga, loci Antistites: ac neophyto,
Beatissimae Virginis aspectu imperioque rursus permoto,
legationemque lacrymis et precibus iteranti, praecepit, ut
signum, quo magnae Dei matris ostenderetur voluntas, enixe
peteret.
Dum viam a colle Tepejacensi remotiorem neophytus arriperet, et
Mexicum, ne patruo lethali morbo correpto extrema deessent
sacramenta, Sacerdotem advocaturus contenderet, eidem
benignissima Virgo tertio occurrit; mœrentem de patrui sanitate
certiorem facit; rosasque pulcherrimas, contra loci hyemisque
asperitatem, recens obortas, in ejus pallio compositas, Episcopo
deferri injungit. Mandatis obsequitur Didacus, cujus in pallio,
rosis coram Episcopo effusis, Mariae sanctae imago qua prorsus
specie in colle prope urbem sese exhibuerat, mirum in modum
depicta conspicitur. Tanto perculsi prodigio religiosam cives
effigiem in episcopali sacello rite asservandam curant: quae,
paulo post, solemni pompa ad aedem in colle Tepejacensi
exstructam translata insigni gentium cunctarum veneratione
praefulget.
Magnifico deinceps excepta templo, cui Canonicorum Collegium
Romani Pontifices ad divini cultus splendorem addiderunt,
Mexicanae gentis pietatem in Deiparam summopere adauxit;
ingentique abhinc quatuor saeculis colitur populorum ac
miraculorum frequentia. Quapropter Eam uti praesentissimum
adversus publicas privatasque calamitates praesidium
Archiepiscopus Mexicanus ceterique illarum regionum Antistites,
omnium ordinum consensione, in primariam adlegerunt universae
Mexicanae Nationis Patronam, riteque electam Benedictus decimus
quartus auctoritate apostolica declaravit, atque Officium et
Missam sub titulo beatae Virginis Guadalupensis, recitari
concessit. Leo vero decimus tertius iteratis Mexicanorum
Praesulum petitionibus benigne annuens, novissimum hoc Officium,
ex Sacrorum Rituum Congregationis consulto, recitari indulsit,
Virginisque effigiem prodigiis atque cultu celebrem aurea
corona, suo nomine et jussu, solemni ritu condecorari decrevit.
Quam quidem quarto idus Octobris anno millesimo octingentesimo
nonagesimo quinto coram Episcopis fere omnibus Reipublicae et
aliis bene multis ex reliquis Americae partibus illuc
confluentibus, maxima incolarum advenarumque frequentia et
gratulatione, Archiepiscopus Mexicanus pretiosissimam imposuit.
Tandem Pius
Decimus sacrorum Antistitum Americae Latinae votis satisfacturus,
eamdem beatissimam Virginem Guadalupensem totius Americae
Latinae Patronam praecipuam declaravit.
V.
Tu autem Domine miserere nobis.
R.
Deo gratias
Te Deum
Te
Deum laudamus: te Dominum confitemur.
Te aeternum Patrem, omnis terra veneratur.
Tibi omnes angeli, tibi coeli et universae potestates:
Tibi cherubim et seraphim incessabili voce proclamant:
Sanctus, Sanctus, Sanctus, Dominus Deus Sabaoth.
Pleni sunt coeli et terra majestatis gloriae tuae.
Te gloriosus apostolorum chorus,
Te prophetarum laudabilis numerus,
Te martyrum candidatus laudat exercitus.
Te per orbem terrarum sancta confitetur Ecclesia,
Patrem immensae majestatis;
Venerandum tuum verum et unicum Filium;
Sanctum quoque Paraclitum Spiritum.
Tu rex gloriae, Christe.
Tu Patris sempiternus es Filius.
Tu, ad liberandum suscepturus hominem,
non horruisti Virginis uterum.
Tu, devicto mortis aculeo,
aperuisti credentibus regna coelorum.
Tu ad dexteram Dei sedes, in gloria Patris.
Judex crederis esse venturus.
Sequens versus dicitur flexis
genibus
Te ergo quaesumus, tuis famulis subveni, quos pretioso sanguine
redemisti.
Aeterna fac cum sanctis tuis in gloria numerari.
Salvum fac
populum tuum, Domine, et benedic hereditati tuae.
Et rege eos, et extolle illos usque in aeternum.
Per singulos dies benedicimus te; et laudamus nomen tuum in
saeculum, et in saeculum saeculi.
Dignare, Domine, die isto sine
peccato nos custodire.
Miserere nostri, Domine, miserere nostri.
Fiat misericordia tua, Domine, super nos,quemadmodum speravimus
in te.
In te, Domine, speravi: non confundar in aeternum.
Omit sequentibus nisi Laudes separandum est
Oratio
{ex Proprio Sanctorum}
V.
Domine exaudi orationem meam
R.
Et clamor meus ad te veniat
Oremus
Deus, qui sub beatissimae Virginis Mariae singulari patrocinio
constitutos perpetuis beneficiis nos cumulari voluisti: praesta
supplicibus tuis; ut, cujus hodie commemoratione laetamur in
terris, ejus conspectu perfruamur in caelis.
Per
Dominum nostrum Jesum Christum, Filium tuum: qui tecum vivit et
regnat in unitate Spiritus Sancti Deus, per omnia saecula
saeculorum.
R.
Amen.
V.
Domine exaudi orationem meam
R.
Et clamor meus ad te veniat
Conclusion
V.
Benedicamus Domino
R.
Deo gratias
V.
Fidelium animae per misericordiam Dei requiescant in pace.
R.
Amen. |
