|
Incipit
V.
Deus +
in adjutorium meum intende.
R.
Domine, ad adjuvandum me festina.
V.
Glória Patri, et Fílio, * et Spirítui Sancto.
R.
Sicut erat in princípio, et nunc, et semper, * et in saecula
saeculórum. Amen
Alleluia
Psalmi
{Laudes:1 ex Proprio Sanctorum}
Ant.
Tota pulchra * es Maria, et
macula originalis non est in te.
Psalmus 92
[1]
92:1
Dóminus regnávit, decórem indútus est: * indútus est Dóminus
fortitúdinem, et præcínxit se.
92:2
Étenim firmávit orbem terræ, * qui non commovébitur.
92:3
Paráta sedes tua ex tunc: * a sæculo tu es.
92:4
Elevavérunt flúmina, Dómine: * elevavérunt flúmina vocem suam.
92:5
Elevavérunt flúmina fluctus suos, * a vócibus aquárum multárum.
92:6
Mirábiles elatiónes maris: * mirábilis in altis Dóminus.
92:7
Testimónia tua credibília facta sunt nimis: * domum tuam decet
sanctitúdo, Dómine, in longitúdinem diérum.
V.
Glória Patri, et Fílio, * et Spirítui Sancto.
R.
Sicut erat in princípio, et nunc, et semper, * et in saecula
saeculórum. Amen
Ant.
Tota pulchra * es Maria, et macula originalis non est in te.
Ant.
Vestimentum tuum * candidum quasi nix, et facies tua sicut sol.
Psalmus 99
[2]
99:1
Jubilate Deo, omnis terra: * servíte Dómino in lætítia.
99:2
Introíte in conspéctu ejus, * in exsultatióne.
99:3
Scitóte quóniam Dóminus ipse est Deus: * ipse fecit nos, et non
ipsi nos.
99:4
Pópulus ejus, et oves páscuæ ejus: * introíte portas ejus in
confessióne, átria ejus in hymnis: confitémini illi.
99:5
Laudáte nomen ejus: quóniam suávis est Dóminus, in ætérnum
misericórdia ejus, * et usque in generatiónem et generatiónem
véritas ejus.
V.
Glória Patri, et Fílio, * et Spirítui Sancto.
R.
Sicut erat in princípio, et nunc, et semper, * et in saecula
saeculórum. Amen
Ant.
Vestimentum tuum * candidum quasi nix, et facies tua sicut sol.
Ant. Tu
gloria Jerusalem * laetitia Israel, tu honorificentia populi
nostri.
Psalmus 62
[3]
62:1
Deus, Deus meus, * ad te de luce vígilo.
62:2
Sitívit in te ánima mea, * quam multiplíciter tibi caro mea.
62:3
In terra desérta, et ínvia, et inaquósa: * sic in sancto appárui
tibi, ut vidérem virtútem tuam, et glóriam tuam.
62:4
Quóniam mélior est misericórdia tua super vitas: * lábia mea
laudábunt te.
62:5
Sic benedícam te in vita mea: * et in nómine tuo levábo manus
meas.
62:6
Sicut ádipe et pinguédine repleátur ánima mea: * et lábiis
exsultatiónis laudábit os meum.
62:7
Si memor fui tui super stratum meum, in matutínis meditábor in
te: * quia fuísti adjútor meus.
62:8
Et in velaménto alárum tuárum exsultábo, adhæsit ánima mea post
te: * me suscépit déxtera tua.
62:9
Ipsi vero in vanum quæsiérunt ánimam meam, introíbunt in
inferióra terræ: * tradéntur in manus gládii, partes vúlpium
erunt.
62:10
Rex vero lætábitur in Deo, laudabúntur omnes qui jurant in eo: *
quia obstrúctum est os loquéntium iníqua.
V.
Glória Patri, et Fílio, * et Spirítui Sancto.
R.
Sicut erat in princípio, et nunc, et semper, * et in saecula
saeculórum. Amen
Ant.
Tu gloria Jerusalem * laetitia Israel, tu honorificentia populi
nostri.
Ant.
Benedicta es tu, * Virgo Maria, a Domino Deo excelso prae
omnibus mulieribus super terram.
Canticum Trium puerorum
[4]
(Canticum Trium puerorum * Dan
3:57-75,56)
3:57
Benedícite, ómnia ópera Dómini, Dómino: * laudáte et
superexaltáte eum in sæcula.
3:58
Benedícite, Ángeli Dómini, Dómino: * benedícite, cæli, Dómino.
3:59
Benedícite, aquæ omnes, quæ super cælos sunt, Dómino: *
benedícite, omnes virtútes Dómini, Dómino.
3:60
Benedícite, sol et luna, Dómino: * benedícite, stellæ cæli,
Dómino.
3:61
Benedícite, omnis imber et ros, Dómino: * benedícite, omnes
spíritus Dei, Dómino.
3:62
Benedícite, ignis et æstus, Dómino: * benedícite, frigus et
æstus, Dómino.
3:63
Benedícite, rores et pruína, Dómino: * benedícite, gelu et
frigus, Dómino.
3:64
Benedícite, glácies et nives, Dómino: * benedícite, noctes et
dies, Dómino.
3:65
Benedícite, lux et ténebræ, Dómino: * benedícite, fúlgura et
nubes, Dómino.
3:66
Benedícat terra Dóminum: * laudet et superexáltet eum in sæcula.
3:67
Benedícite, montes et colles, Dómino: * benedícite, univérsa
germinántia in terra, Dómino.
3:68
Benedícite, fontes, Dómino: * benedícite, mária et flúmina,
Dómino.
3:69
Benedícite, cete, et ómnia, quæ movéntur in aquis, Dómino: *
benedícite, omnes vólucres cæli, Dómino.
3:70
Benedícite, omnes béstiæ et pécora, Dómino: * benedícite, fílii
hóminum, Dómino.
3:71
Benedícat Israël Dóminum: * laudet et superexáltet eum in
sæcula.
3:72
Benedícite, sacerdótes Dómini, Dómino: * benedícite, servi
Dómini, Dómino.
3:73
Benedícite, spíritus, et ánimæ justórum, Dómino: * benedícite,
sancti, et húmiles corde, Dómino.
3:74
Benedícite, Ananía, Azaría, Mísaël, Dómino: * laudáte et
superexaltáte eum in sæcula.
3:75
(Fit reveréntia:)
Benedicámus Patrem et Fílium cum Sancto Spíritu: * laudémus et
superexaltémus eum in sæcula.
3:56
Benedíctus es, Dómine, in firmaménto cæli: * et laudábilis, et
gloriósus, et superexaltátus in sæcula.
Ant.
Benedicta es tu, * Virgo Maria, a Domino Deo excelso prae
omnibus mulieribus super terram.
Ant. Trahe
nos * Virgo immaculata, post te curremus in odorem unguentorum
tuorum.
Psalmus 148
[5]
148:1
Laudáte Dóminum de cælis: * laudáte eum in excélsis.
148:2
Laudáte eum, omnes Ángeli ejus: * laudáte eum, omnes virtútes
ejus.
148:3
Laudáte eum, sol et luna: * laudáte eum, omnes stellæ et lumen.
148:4
Laudáte eum, cæli cælórum: * et aquæ omnes, quæ super cælos
sunt, laudent nomen Dómini.
148:5
Quia ipse dixit, et facta sunt: * ipse mandávit, et creáta sunt.
148:6
Státuit ea in ætérnum, et in sæculum sæculi: * præcéptum pósuit,
et non præteríbit.
148:7
Laudáte Dóminum de terra, * dracónes, et omnes abýssi.
148:8
Ignis, grando, nix, glácies, spíritus procellárum: * quæ fáciunt
verbum ejus:
148:9
Montes, et omnes colles: * ligna fructífera, et omnes cedri.
148:10
Béstiæ, et univérsa pécora: * serpéntes, et vólucres pennátæ:
148:11
Reges terræ, et omnes pópuli: * príncipes, et omnes júdices
terræ.
148:12
Júvenes, et vírgines: senes cum junióribus laudent nomen Dómini:
* quia exaltátum est nomen ejus solíus.
148:13
Conféssio ejus super cælum et terram: * et exaltávit cornu
pópuli sui.
148:14
Hymnus ómnibus sanctis ejus: * fíliis Israël, pópulo
appropinquánti sibi.
V.
Glória Patri, et Fílio, * et Spirítui Sancto.
R.
Sicut erat in princípio, et nunc, et semper, * et in saecula
saeculórum. Amen
Ant.
Trahe nos * Virgo immaculata, post te curremus in odorem
unguentorum tuorum.
Capitulum Hymnus Versum
{ex Proprio Sanctorum}
Prov 8:22-24
Dominus
possedit me in initio viarum suarum antequam quidquam faceret a
principio. Ab aeterno ordinata
sum, et ex antiquis antequam terra fieret. Nondum erant abyssi,
et ego jam concepta eram.
R.
Deo gratias
Hymnus
O
gloriosa virginum,
Sublimis inter sidera,
Qui te creavit, parvulum
Lactente nutris ubere.
Quod Heva tristis abstulit,
Tu reddis almo germine:
Intrent ut astra flebiles,
Coeli recludis cardines.
Tu regis alti janua,
Et aula lucis fulgida:
Vitam datam per Virginem
Gentes redemptae plaudite.
Jesu, tibi sit gloria,
Qui natus es de Virgine,
Cum Patre, et almo Spiritu
In sempiterna saecula.
Amen.
V.
Imaculata Conceptio est hodie sanctae Mariae Virginis.
R.
Quae serpentis caput virgineo pede contrivit.
Canticum Benedictus
{Antiphona ex Proprio Sanctorum}
Ant.
Ait Dominus Deus * ad serpentem: Inimicitias ponam inter te et
mulierem, et semen tuum et semen illius: ipsa conteret caput
tuum, alleluia.
(Canticum
Zachariae * Luc. 1:68-79)
1:68
Benedictus Dóminus, Deus Israël: * quia visitávit, et fecit
redemptiónem plebis suæ:
1:69
Et eréxit cornu salútis nobis: * in domo David, púeri sui.
1:70
Sicut locútus est per os sanctórum, * qui a sæculo sunt,
prophetárum ejus:
1:71
Salútem ex inimícis nostris, * et de manu ómnium, qui odérunt
nos.
1:72
Ad faciéndam misericórdiam cum pátribus nostris: * et memorári
testaménti sui sancti.
1:73
Jusjurándum, quod jurávit ad Ábraham patrem nostrum, * datúrum
se nobis:
1:74
Ut sine timóre, de manu inimicórum nostrórum liberáti, *
serviámus illi.
1:75
In sanctitáte, et justítia coram ipso, * ómnibus diébus nostris.
1:76
Et tu, puer, Prophéta Altíssimi vocáberis: * præíbis enim ante
fáciem Dómini, paráre vias ejus:
1:77
Ad dandam sciéntiam salútis plebi ejus: * in remissiónem
peccatórum eórum:
1:78
Per víscera misericórdiæ Dei nostri: * in quibus visitávit nos,
óriens ex alto:
1:79
Illumináre his, qui in ténebris, et in umbra mortis sedent: * ad
dirigéndos pedes nostros in viam pacis.
V.
Glória Patri, et Fílio, * et Spirítui Sancto.
R.
Sicut erat in princípio, et nunc, et semper, * et in saecula
saeculórum. Amen
Ant.
Ait Dominus Deus * ad serpentem: Inimicitias ponam inter te et
mulierem, et semen tuum et semen illius: ipsa conteret caput
tuum, alleluia.
Preces
Feriales{omittitur}
Oratio
{ex Proprio Sanctorum}
V.
Domine exaudi orationem meam
R.
Et clamor meus ad te veniat
Oremus
Deus, qui per Immaculatam Virginis conceptionem dignum Filio tuo
habitaculum praeparasti: quaesumus; ut qui ex morte eiusdem
Filii tui praevisa, eam ab omni labe praeservasti, nos quoque
mundos ejus intercessione ad te pervenire concedas.
Per
eumdem Dominum nostrum Jesum Christum filium tuum, qui tecum
vivit et regnat in unitate Spiritus Sancti, Deus, per omnia
saecula saeculorum.
R.
Amen.
Commemoratio
Feria III in Hebdomadam II Adventus
Ant.
Super te * Jerusalem orietur Dominus, et gloria ejus in te
videbitur.
V.
Vox clamantis in deserto
R.
Rectas facite semitas eius
Oremus
Excita
Domine corda nostra ad praeparandas Unigeniti tui vias ut per
ejus adventum purificatis tibi mentibus servire mereamur:
Per
Dominum nostrum Jesum Christum, Filium tuum: qui tecum vivit et
regnat in unitate eiusdem Spiritus Sancti Deus, per omnia
saecula saeculorum.
R.
Amen.
V.
Domine exaudi orationem meam
R.
Et clamor meus ad te veniat
Conclusio
V.
Benedicamus Domino
R.
Deo gratias
V.
Fidelium animae per misericordiam Dei requiescant in pace.
R.
Amen. |
