|
Incipit
V.
Domine labia +
mea aperies.
R.
Et os meum annuntiabit laudem tuam.
V.
Deus +
in adjutorium meum
intende.
R.
Domine, ad adjuvandum me festina.
V.
Glória Patri, et Fílio, * et Spirítui Sancto.
R.
Sicut erat in princípio, et nunc, et semper, * et in saecula
saeculórum. Amen
Alleluia
Invitatorium
{Antiphona ex Proprio Sanctorum}
Ant.
Regem regum Dominum venite adoremus: * Quia ipse est corona
Sanctorum omnium.
Ant.
Regem regum Dominum venite adoremus: * Quia ipse est corona
Sanctorum omnium.
Venite,
exsultemus Domino, jubilemus Deo, salutari nostro: praeoccupemus
faciem ejus in confessione, et in psalmis jubilemus ei.
Ant.
Regem regum Dominum venite adoremus: * Quia ipse est corona
Sanctorum omnium.
Quoniam
Deus magnus Dominus, et Rex magnus super omnes deos: quoniam non
repellet Dominus plebem suam: quia in manu ejus sunt omnes fines
terrae, et altitudines montium ipse conspicit.
Ant.
Quia ipse est corona Sanctorum omnium.
Quoniam
ipsius est mare, et ipse fecit illud, et aridam fundaverunt
manus ejus: venite, adoremus, et procidamus ante Deum: ploremus
coram Domino, qui fecit nos, quia ipse est Dominus, Deus noster;
nos autem populus ejus, et oves pascuae ejus.
Ant.
Regem regum Dominum venite adoremus: * Quia ipse est corona
Sanctorum omnium.
Hodie,
si vocem ejus audieritis, nolite obdurare corda vestra, sicut in
exacerbatione secundum diem tentationis in deserto ubi
tentaverunt me patres vestri, probaverunt et viderunt opera mea.
Ant.
Quia ipse est corona Sanctorum omnium.
Quadraginta
annis proximus fui generationi huic, et dixi: Semper hi errant
corde; ipsi vero non cognoverunt vias meas: quibus juravi in ira
mea: Si introibunt in requiem meam.
Ant.
Regem regum Dominum venite adoremus: * Quia ipse est corona
Sanctorum omnium.
V.
Glória Patri, et Fílio, * et Spirítui Sancto.
R.
Sicut erat in princípio, et nunc, et semper, * et in saecula
saeculórum. Amen
Ant.
Quia ipse est corona Sanctorum omnium.
Ant.
Regem regum Dominum venite adoremus: * Quia ipse est corona
Sanctorum omnium.
Hymnus
{ex Proprio Sanctorum}
Placare,
Christe, servulis,
Quibus Patris clementiam
Tuae ad tribunal gratiae
Patrona Virgo postulat.
Et vos beata, per novem
Distincta gyros agmina,
Antiqua cum praesentibus,
Futura damna pellite.
Apostoli cum vatibus,
Apud severum Judicem,
Veris reorum fletibus
Exposcite indulgentiam.
Vos purpurati martyres,
Vos candidati praemio
Confessionis, exsules
Vocate nos in patriam.
Chorea casta virginum,
Et quos eramus incolas
Transmisit astris, coelitum
Locate nos in sedibus.
Auferte gentem perfidam
Credentium de finibus,
Ut unus omnes unicum
Ovile nos pastor regat.
Deo Patri sit gloria,
Natoque Patris unico,
Sancto simul Paraclito,
In sempiterna saecula.
Amen.
Psalmi cum lectionibus
{Antiphonas et Psalmi ex Proprio Sanctorum}
Nocturn I.
Ant.
Novit Dominus * viam justorum, qui in lege ejus meditantur die
ac nocte
Psalmus 1
[1]
1:1
Beátus vir, qui non ábiit in consílio impiórum, et in via
peccatórum non stetit, * et in cáthedra pestiléntiæ non sedit:
1:2
Sed in lege Dómini volúntas ejus, * et in lege ejus meditábitur
die ac nocte.
1:3
Et erit tamquam lignum, quod plantátum est secus decúrsus
aquárum, * quod fructum suum dabit in témpore suo:
1:4
Et fólium ejus non défluet: * et ómnia quæcúmque fáciet,
prosperabúntur.
1:5
Non sic ímpii, non sic: * sed tamquam pulvis, quem prójicit
ventus a fácie terræ.
1:6
Ideo non resúrgent ímpii in judício: * neque peccatóres in
concílio justórum.
1:7
Quóniam novit Dóminus viam justórum: * et iter impiórum períbit.
V.
Glória Patri, et Fílio, * et Spirítui Sancto.
R.
Sicut erat in princípio, et nunc, et semper, * et in saecula
saeculórum. Amen
Ant.
Novit Dominus * viam justorum,
qui in lege ejus meditantur die ac nocte
Ant.
Mirificavit Dominus Sanctos suos, et exaudivit eos clamantes ad
se
Psalmus 4
[2]
4:1
Cum invocárem exaudívit me Deus justítiæ meæ: * in tribulatióne
dilatásti mihi.
4:2
Miserére mei, * et exáudi oratiónem meam.
4:3
Fílii hóminum, úsquequo gravi corde? * ut quid dilígitis
vanitátem, et quæritis mendácium?
4:4
Et scitóte quóniam mirificávit Dóminus sanctum suum: * Dóminus
exáudiet me cum clamávero ad eum.
4:5
Irascímini, et nolíte peccáre: * quæ dícitis in córdibus
vestris, in cubílibus vestris compungímini.
4:6
Sacrificáte sacrifícium justítiæ, et speráte in Dómino. * Multi
dicunt: Quis osténdit nobis bona?
4:7
Signátum est super nos lumen vultus tui, Dómine: * dedísti
lætítiam in corde meo.
4:8
A fructu fruménti, vini, et ólei sui * multiplicáti sunt.
4:9
In pace in idípsum * dórmiam, et requiéscam;
4:10
Quóniam tu, Dómine, singuláriter in spe * constituísti me.
V.
Glória Patri, et Fílio, * et Spirítui Sancto.
R.
Sicut erat in princípio, et nunc, et semper, * et in saecula
saeculórum. Amen
Ant.
Mirificavit Dominus Sanctos suos, et exaudivit eos clamantes ad
se
Ant.
Admirabile est * nomen tuum Domine: quia gloria et honore
coronasti Sanctos tuos, et constituisti eos super opera manuum
tuarum
Psalmus 8
[3]
8:1
Dómine, Dóminus noster, * quam admirábile est nomen tuum in
univérsa terra!
8:2
Quóniam eleváta est magnificéntia tua, * super cælos.
8:3
Ex ore infántium et lacténtium perfecísti laudem propter
inimícos tuos, * ut déstruas inimícum et ultórem.
8:4
Quóniam vidébo cælos tuos, ópera digitórum tuórum: * lunam et
stellas, quæ tu fundásti.
8:5
Quid est homo quod memor es ejus? * aut fílius hóminis, quóniam
vísitas eum?
8:6
Minuísti eum paulo minus ab Ángelis, glória et honóre coronásti
eum: * et constituísti eum super ópera mánuum tuárum.
8:7
Omnia subjecísti sub pédibus ejus, * oves et boves univérsas:
ínsuper et pécora campi.
8:8
Vólucres cæli, et pisces maris, * qui perámbulant sémitas maris.
8:9
Dómine, Dóminus noster, * quam admirábile est nomen tuum in
univérsa terra!
V.
Glória Patri, et Fílio, * et Spirítui Sancto.
R.
Sicut erat in princípio, et nunc, et semper, * et in saecula
saeculórum. Amen
Ant.
Admirabile est * nomen tuum Domine: quia gloria et honore
coronasti Sanctos tuos, et constituisti eos super opera manuum
tuarum
V.
Laetamini in Domino, et exsultate justi.
R.
Et gloriamini omnes recti corde.
Pater
noster, qui es in caelis, Sanctificetur nomen tuum. Adveniat
regnum tuum. Fiat voluntas tua, sicut in coelo et in terra.
Panem nostrum quotidianum da nobis hodie. Et dimitte nobis
debita nostra, sicut et nos dimittimus debitoribus nostris.
V.
Et ne nos inducas in tentationem:
R.
Sed libera nos a malo.
Absolutio.
Exaudi, Domine Jesu Christe, preces servorum tuorum, et miserere nobis:
Qui cum Patre et Spiritu Sancto vivis et regnas in saecula
saeculorum. Amen.
V.
Jube domne benedicere.
Benedictio.
Benedictione
perpetua benedicat nos Pater aeternus.
Amen.
Lectio 1
Ex libro Apocalypsis beati Joannis Apostoli.
Rev 4:2-8
2
Et statim fui in spiritu: et ecce sedes posita erat in caelo, et
supra sedem sedens.
3
Et qui sedebat similis erat aspectui lapidis jaspidis, et
sardinis: et iris erat in circuitu sedis similis visioni
smaragdinae.
4
Et in circuitu sedis sedilia viginti quatuor: et super thronos
viginti quatuor seniores sedentes, circumamicti vestimentis
albis, et in capitibus eorum coronae aureae.
5
Et de throno procedebant fulgura, et voces, et tonitrua: et
septem lampades ardentes ante thronum, qui sunt septem spiritus
Dei.
6
Et in conspectu sedis tamquam mare vitreum simile crystallo: et
in medio sedis, et in circuitu sedis quatuor animalia plena
oculis ante et retro.
7
Et animal primum simile leoni, et secundum animal simile vitulo,
et tertium animal habens faciem quasi hominis, et quartum animal
simile aquilae volanti.
8
Et quatuor animalia, singula eorum habebant alas senas: et in
circuitu, et intus plena sunt oculis: et requiem non habebant
die ac nocte, dicentia: Sanctus, Sanctus, Sanctus Dominus Deus
omnipotens, qui erat, et qui est, et qui venturus est.
V.
Tu autem Domine miserere nobis.
R.
Deo gratias
R.
Vidi Dominum sedentem super solium excelsum et elevatum et plena
erat omnis terra majestate ejus:
* Et ea quae sub ipso erant, replebant templum.
V.
Seraphim stabant super illud: sex alae uni, et sex alae alteri.
R.
Et ea quae sub ipso erant, replebant templum.
V.
Jube domne benedicere.
Benedictio.
Unigenitus
Dei Filius nos benedicere et adjuvare dignetur. Amen
Lectio 2
Rev 5:1-8
1
Et vidi in dextera sedentis supra thronum, librum scriptum intus
et foris, signatum sigillis septem.
2
Et vidi angelum fortem, praedicantem voce magna: Quis est dignus
aperire librum, et solvere signacula ejus?
3
Et nemo poterat neque in caelo, neque in terra, neque subtus
terram aperire librum, neque respicere illum.
4
Et ego flebam multum, quoniam nemo dignus inventus est aperire
librum, nec videre eum.
5
Et unus de senioribus dixit mihi: Ne fleveris: ecce vicit leo de
tribu Juda, radix David, aperire librum, et solvere septem
signacula ejus.
6
Et vidi: et ecce in medio throni et quatuor animalium, et in
medio seniorum, Agnum stantem tamquam occisum, habentem cornua
septem, et oculos septem: qui sunt septem spiritus Dei, missi in
omnem terram.
7
Et venit: et accepit de dextera sedentis in throno librum.
8
Et cum aperuisset librum, quatuor animalia, et viginti quatuor
seniores ceciderunt coram Agno, habentes singuli citharas, et
phialas aureas plenas odoramentorum, quae sunt orationes
sanctorum:
V.
Tu autem Domine miserere nobis.
R.
Deo gratias
R.
Beata es Virgo Maria, Dei Genitrix quae credidisti Domino
perfecta sunt in te quae dicta sunt tibi: ecce exaltata es super
choros Angelorum:
* Intercede pro nobis ad Dominum Deum nostrum.
V.
Ave Maria, gratia plena, Dominus tecum.
R.
Intercede pro nobis ad Dominum Deum nostrum.
V.
Jube domne benedicere.
Benedictio.
Spiritus
Sancti gratia illuminet sensus et corda nostra. Amen.
Lectio 3
Rev 5:9-14
9
Et cantabant canticum novum, dicentes: Dignus es, Domine,
accipere librum, et aperire signacula ejus: quoniam occisus es,
et redemisti nos Deo in sanguine tuo ex omni tribu, et lingua,
et populo, et natione:
10
Et fecisti nos Deo nostro regnum, et sacerdotes: et regnabimus
super terram.
11
Et vidi, et audivi vocem angelorum multorum in circuitu throni,
et animalium, et seniorum: et erat numerus eorum millia millium,
12
Dicentium voce magna: Dignus est Agnus, qui occisus est,
accipere virtutem, et divinitatem, et sapientiam, et
fortitudinem, et honorem, et gloriam, et benedictionem.
13
Et omnem creaturam, quae in caelo est, et super terram, et sub
terra, et quae sunt in mari, et quae in eo: omnes audivi
dicentes: Sedenti in throno, et Agno, benedictio et honor, et
gloria, et potestas in saecula saeculorum.
14
Et quatuor animalia dicebant: Amen. Et viginti quatuor seniores
ceciderunt in facies suas: et adoraverunt viventem in saecula
saeculorum.
V.
Tu autem Domine miserere nobis.
R.
Deo gratias
R.
In conspectu Angelorum psallam tibi:
* Et adorabo ad templum sanctum tuum, et confitebor nomini tuo
Domine.
V.
Super misericordia tua et veritate tua, quoniam magnificasti
super nos nomen sanctum tuum.
R.
Et adorabo ad templum sanctum tuum, et confitebor nomini tuo
Domine.
V.
Glória Patri, et Fílio, * et Spirítui Sancto.
R.
Et adorabo ad templum sanctum tuum, et confitebor nomini tuo
Domine.
Nocturn II.
Ant.
Domine, * qui operati sunt justitiam, habitabunt in tabernaculo
tuo, et requiescent in monte sancto tuo
Psalmus 14
[4]
14:1
Dómine, quis habitábit in tabernáculo tuo? * aut quis requiéscet
in monte sancto tuo?
14:2
Qui ingréditur sine mácula, * et operátur justítiam:
14:3
Qui lóquitur veritátem in corde suo, * qui non egit dolum in
lingua sua:
14:4
Nec fecit próximo suo malum, * et oppróbrium non accépit
advérsus próximos suos.
14:5
Ad níhilum dedúctus est in conspéctu ejus malígnus: * timéntes
autem Dóminum gloríficat:
14:6
Qui jurat próximo suo, et non décipit, * qui pecúniam suam non
dedit ad usúram, et múnera super innocéntem non accépit.
14:7
Qui facit hæc: * non movébitur in ætérnum.
V.
Glória Patri, et Fílio, * et Spirítui Sancto.
R.
Sicut erat in princípio, et nunc, et semper, * et in saecula
saeculórum. Amen
Ant.
Domine, * qui operati sunt justitiam, habitabunt in tabernaculo
tuo, et requiescent in monte sancto tuo
Ant. Haec est
generatio * quaerentium Dominum, quaerentium faciem Dei Jacob
Psalmus 23
[5]
23:1
Dómini est terra, et plenitúdo ejus: * orbis terrárum, et
univérsi qui hábitant in eo.
23:2
Quia ipse super mária fundávit eum: * et super flúmina
præparávit eum.
23:3
Quis ascéndet in montem Dómini? * aut quis stabit in loco sancto
ejus?
23:4
Ínnocens mánibus et mundo corde, * qui non accépit in vano
ánimam suam, nec jurávit in dolo próximo suo.
23:5
Hic accípiet benedictiónem a Dómino: * et misericórdiam a Deo,
salutári suo.
23:6
Hæc est generátio quæréntium eum, * quæréntium fáciem Dei Jacob.
23:7
Attóllite portas, príncipes, vestras, et elevámini, portæ
æternáles: * et introíbit Rex glóriæ.
23:8
Quis est iste Rex glóriæ? * Dóminus fortis et potens: Dóminus
potens in prælio.
23:9
Attóllite portas, príncipes, vestras, et elevámini, portæ
æternáles: * et introíbit Rex glóriæ.
23:10
Quis est iste Rex glóriæ? * Dóminus virtútum ipse est Rex
glóriæ.
V.
Glória Patri, et Fílio, * et Spirítui Sancto.
R.
Sicut erat in princípio, et nunc, et semper, * et in saecula
saeculórum. Amen
Ant.
Haec est generatio * quaerentium Dominum, quaerentium faciem Dei
Jacob
Ant.
Laetamini in Domino, * et exsultate justi, et gloriamini omnes
recti corde
Psalmus 31
[6]
31:1
Beáti quorum remíssæ sunt iniquitátes: * et quorum tecta sunt
peccáta.
31:2
Beátus vir, cui non imputávit Dóminus peccátum, * nec est in
spíritu ejus dolus.
31:3
Quóniam tácui, inveteravérunt ossa mea, * dum clamárem tota die.
31:4
Quóniam die ac nocte graváta est super me manus tua: * convérsus
sum in ærúmna mea, dum confígitur spina.
31:5
Delíctum meum cógnitum tibi feci: * et injustítiam meam non
abscóndi.
31:6
Dixi: Confitébor advérsum me injustítiam meam Dómino: * et tu
remisísti impietátem peccáti mei.
31:7
Pro hac orábit ad te omnis sanctus, * in témpore opportúno.
31:8
Verúmtamen in dilúvio aquárum multárum, * ad eum non
approximábunt.
31:9
Tu es refúgium meum a tribulatióne, quæ circúmdedit me: *
exsultátio mea, érue me a circumdántibus me.
31:10
Intelléctum tibi dabo, et ínstruam te in via hac, qua gradiéris:
* firmábo super te óculos meos.
31:11
Nolíte fíeri sicut equus et mulus, * quibus non est intelléctus.
31:12
In camo et freno maxíllas eórum constrínge, * qui non
appróximant ad te.
31:13
Multa flagélla peccatóris, * sperántem autem in Dómino
misericórdia circúmdabit.
31:14
Lætámini in Dómino et exsultáte, justi, * et gloriámini, omnes
recti corde.
V.
Glória Patri, et Fílio, * et Spirítui Sancto.
R.
Sicut erat in princípio, et nunc, et semper, * et in saecula
saeculórum. Amen
Ant.
Laetamini in Domino, * et exsultate justi, et gloriamini omnes
recti corde
V.
Exsultent justi in conspectu Dei.
R.
Et delectentur in laetitia.
Pater
noster, qui es in caelis, Sanctificetur nomen tuum. Adveniat
regnum tuum. Fiat voluntas tua,
sicut in coelo et in terra.
Panem nostrum quotidianum da nobis hodie. Et dimitte nobis
debita nostra, sicut et nos dimittimus debitoribus nostris.
V.
Et ne nos inducas in tentationem:
R.
Sed libera nos a malo.
Absolutio.
Ipsius pietas et misericordia nos adjuvet, qui cum Patre et Spiritu
Sancto vivit et regnat in saecula saeculorum.
Amen.
V.
Jube domne, benedicere.
Benedictio.
Deus Pater
omnipotens sit nobis propitius et clemens.
Amen.
Lectio 4
Sermo venerabilis Bedae Presbyteri.
Sermo 18. de Sanctis.
Hodie, dilectissimi, omnium Sanctorum sub una solemnitatis
laetitia celebramus festivitatem: quorum societate caelum
exsultat, quorum patrociniis terra laetatur, triumphis Ecclesia
sancta coronatur, quorum confessio quanto in passione fortior,
tanto est clarior in honore: quia, dum crevit pugna, crevit et
pugnantium gloria, et martyrii triumphus multiplici passionum
genere adornatur: perque graviora tormenta, graviora fuere et
praemia: dum catholica mater Ecclesia, quae per totum orbem
longe lateque diffusa est, in ipso capite suo Christo Jesu
educta est, contumelias, cruces et mortem non timere; magis
magisque roborata, non resistendo, sed perferendo, universis,
quos agmine inclyto carcer poenalis inclusit, pari et simili
calore virtutis ad gerendum certamen, gloriam triumphalem
inspiravit.
V.
Tu autem Domine miserere nobis.
R.
Deo gratias
R.
Praecursor Domini venit, de quo ipse testatur:
* Nullus major inter natos mulierum Joanne Baptista.
V.
Hic est propheta, et plus quam propheta, de quo Salvator ait.
R.
Nullus major inter natos mulierum Joanne Baptista.
V.
Jube domne, benedicere.
Benedictio.
Christus
perpetuae det nobis gaudia vitae. Amen.
Lectio 5
Overe beata mater Ecclesia, quam sic honor divinae dignationis
illuminat, quam vincentium gloriosus Martyrum sanguis exornat,
quam inviolatae confessionis candida induit virginitas! Floribus
ejus nec rosae nec lilia desunt. Certent nunc carissimi,
singuli, ut ad utrosque honores amplissimam accipiant
dignitatem, coronas, vel de virginitate candidas, vel de
passione purpureas. In coelestibus castris pax et acies habent
fiores suos, quibus milites Christi coronantur.
V.
Tu autem Domine miserere nobis.
R.
Deo gratias
R.
Isti sunt qui viventes in carne, plantaverunt Ecclesiam sanguine
suo:
* Calicem Domini biberunt, et amici Dei facti sunt.
V.
In omnem terram exivit sonus eorum, et in fines orbis terrae
verba eorum.
R.
Calicem Domini biberunt, et amici Dei facti sunt.
V.
Jube domne, benedicere.
Benedictio.
Ignem sui
amoris accendat Deus in cordibus nostris. Amen.
Lectio 6
Dei enim ineffabilis et immensa bonitas etiam hoc providit, ut
laborum quidem tempus et agonis non extenderet, nec longum
faceret, aut aeternum, sed breve, et ut ita dicam, momentaneum:
ut in hac brevi et exigua vita agones essent et labores; in illa
vero quae aeterna est, coronae et praemia meritorum: ut labores
quidem cito finirentur, meritorum vero praemia sine fine
durarent: ut post hujus mundi tenebras visuri essent
candidissimam lucem, et accepturi majorem passionum cunctarum
acerbitatibus beatitudinem, testante hoc idem Apostolo, ubi ait:
Non sunt condignae passiones hujus temporis ad superventuram
gloriam, quae revelabitur in nobis.
V.
Tu autem Domine miserere nobis.
R.
Deo gratias
R.
Sancti mei, qui in carne positi, certamen habuistis:
* Mercedem laboris ego reddam vobis.
V.
Venite benedicti Patris mei, percipite regnum.
R.
Mercedem laboris ego reddam vobis.
V.
Glória Patri, et Fílio, * et Spirítui Sancto.
R.
Mercedem laboris ego reddam vobis.
Nocturn III.
Ant.
Timete Dominum * omnes Sancti ejus, quoniam nihil deest
timentibus eum: ecce oculi Domini super justos, et aures ejus ad
preces eorum
Psalmus 33
[7]
33:1
Benedícam Dóminum in omni témpore: * semper laus ejus in ore
meo.
33:2
In Dómino laudábitur ánima mea: * áudiant mansuéti, et læténtur.
33:3
Magnificáte Dóminum mecum: * et exaltémus nomen ejus in idípsum.
33:4
Exquisívi Dóminum, et exaudívit me: * et ex ómnibus
tribulatiónibus meis erípuit me.
33:5
Accédite ad eum, et illuminámini: * et fácies vestræ non
confundéntur.
33:6
Iste pauper clamávit, et Dóminus exaudívit eum: * et de ómnibus
tribulatiónibus ejus salvávit eum.
33:7
Immíttet Ángelus Dómini in circúitu timéntium eum: * et erípiet
eos.
33:8
Gustáte, et vidéte quóniam suávis est Dóminus: * beátus vir, qui
sperat in eo.
33:9
Timéte Dóminum, omnes sancti ejus: * quóniam non est inópia
timéntibus eum.
33:10
Dívites eguérunt et esuriérunt: * inquiréntes autem Dóminum non
minuéntur omni bono.
33:12
Veníte, filii, audíte me: * timórem Dómini docébo vos.
33:13
Quis est homo qui vult vitam: * díligit dies vidére bonos?
33:14
Próhibe linguam tuam a malo: * et lábia tua ne loquántur dolum.
33:15
Divérte a malo, et fac bonum: * inquíre pacem, et perséquere
eam.
33:16
Óculi Dómini super justos: * et aures ejus in preces eórum.
33:17
Vultus autem Dómini super faciéntes mala: * ut perdat de terra
memóriam eórum.
33:18
Clamavérunt justi, et Dóminus exaudívit eos: * et ex ómnibus
tribulatiónibus eórum liberávit eos.
33:19
Juxta est Dóminus iis, qui tribuláto sunt corde: * et húmiles
spíritu salvábit.
33:20
Multæ tribulatiónes justórum: * et de ómnibus his liberábit eos
Dóminus.
33:21
Custódit Dóminus ómnia ossa eórum: * unum ex his non conterétur.
33:22
Mors peccatórum péssima: * et qui odérunt justum, delínquent.
33:23
Rédimet Dóminus ánimas servórum suórum: * et non delínquent
omnes qui sperant in eo.
V.
Glória Patri, et Fílio, * et Spirítui Sancto.
R.
Sicut erat in princípio, et nunc, et semper, * et in saecula
saeculórum. Amen
Ant.
Timete Dominum * omnes Sancti ejus, quoniam nihil deest
timentibus eum: ecce oculi Domini super justos, et aures ejus ad
preces eorum
Ant. Domine *
spes Sanctorum, et turris fortitudinis eorum dedisti
haereditatem timentibus nomen tuum, et habitabunt in tabernaculo
tuo in saecula
Psalmus 60
[8]
60:1
Exáudi, Deus, deprecatiónem meam: * inténde oratióni meæ.
60:2
A fínibus terræ ad te clamávi: * dum anxiarétur cor meum, in
petra exaltásti me.
60:3
Deduxísti me, quia factus es spes mea: * turris fortitúdinis a
fácie inimíci.
60:4
Inhabitábo in tabernáculo tuo in sæcula: * prótegar in velaménto
alárum tuárum.
60:5
Quóniam tu, Deus meus, exaudísti oratiónem meam: * dedísti
hereditátem timéntibus nomen tuum.
60:6
Dies super dies regis adjícies: * annos ejus usque in diem
generatiónis et generatiónis.
60:7
Pérmanet in ætérnum in conspéctu Dei: * misericórdiam et
veritátem ejus quis requíret?
60:8
Sic psalmum dicam nómini tuo in sæculum sæculi: * ut reddam vota
mea de die in diem.
V.
Glória Patri, et Fílio, * et Spirítui Sancto.
R.
Sicut erat in princípio, et nunc, et semper, * et in saecula
saeculórum. Amen
Ant.
Domine * spes Sanctorum, et turris fortitudinis eorum dedisti
haereditatem timentibus nomen tuum, et habitabunt in tabernaculo
tuo in saecula
Ant. Qui
diligitis Dominum, * laetamini in Domino, et confitemini
memoriae sanctitatis ejus
Psalmus 96
[9]
96:1
Dóminus regnávit, exsúltet terra: * læténtur ínsulæ multæ.
96:2
Nubes, et calígo in circúitu ejus: * justítia, et judícium
corréctio sedis ejus.
96:3
Ignis ante ípsum præcédet, * et inflammábit in circúitu inimícos
ejus.
96:4
Illuxérunt fúlgura ejus orbi terræ: * vidit, et commóta est
terra.
96:5
Montes, sicut cera fluxérunt a fácie Dómini: * a fácie Dómini
omnis terra.
96:6
Annuntiavérunt cæli justítiam ejus: * et vidérunt omnes pópuli
glóriam ejus.
96:7
Confundántur omnes, qui adórant sculptília: * et qui gloriántur
in simulácris suis.
96:8
Adoráte eum, omnes Ángeli ejus: * audívit, et lætáta est Sion.
96:9
Et exsultavérunt fíliæ Judæ, * propter judícia tua, Dómine:
96:10
Quóniam tu Dóminus Altíssimus super omnem terram: * nimis
exaltátus es super omnes deos.
96:11
Qui dilígitis Dóminum, odíte malum: * custódit Dóminus ánimas
sanctórum suórum, de manu peccatóris liberábit eos.
96:12
Lux orta est justo, * et rectis corde lætítia.
96:13
Lætámini, justi, in Dómino: * et confitémini memóriæ
sanctificatiónis ejus.
V.
Glória Patri, et Fílio, * et Spirítui Sancto.
R.
Sicut erat in princípio, et nunc, et semper, * et in saecula
saeculórum. Amen
Ant.
Qui diligitis Dominum, *
laetamini in Domino, et confitemini memoriae sanctitatis ejus
V.
Justi autem in perpetuum vivent.
R.
Et apud Dominum est merces eorum
Pater
noster, qui es in caelis, Sanctificetur nomen tuum. Adveniat
regnum tuum. Fiat voluntas tua,
sicut in coelo et in terra.
Panem nostrum quotidianum da nobis hodie. Et dimitte nobis
debita nostra, sicut et nos dimittimus debitoribus nostris.
V.
Et ne nos inducas in tentationem:
R.
Sed libera nos a malo.
Absolutio.
A vinculis peccatorum nostrorum absolvat nos omnipotens et misericors
Dominus. Amen.
V.
Jube domne benedicere.
Benedictio.
Evangelica
lectio sit nobis salus et protectio. Amen.
Lectio 7
Lectio sancti Evangelii secundum Matthaeum.
Matt 5:1-12
In illo tempore: Videns Jesus turbas, ascendit in montem, et cum
sedisset, accesserunt ad eum discipuli ejus.
Et reliqua.
Homilia sancti Augustini Episcopi.
Lib. 1. de Sermone Domini in
monte, sub initium.
Si quaeritur quid significet mons, bene intelligitur significare
majora praecepta justitiae, quia minora erant, quae Judaeis data
sunt. Unus tamen Deus per sanctos prophetas et famulos suos,
secundum ordinatissimam distributionem temporum, dedit minora
praecepta populo, quem adhuc timore alligari oportebat: et per
Filium suum majora populo, quem caritate jam liberari
convenerat. Cum autem minora minoribus, majora majoribus dantur,
ab eo dantur, qui solus novit congruentem suis temporibus generi
humano exhibere medicinam.
V.
Tu autem Domine miserere nobis.
R.
Deo gratias
R.Sint
lumbi vestri praecincti, et lucernae ardentes in manibus
vestris:
* Et vos similes hominibus exspectantibus dominum suum, quando
revertatur a nuptiis.
V.
Vigilate ergo, quia nescitis qua hora Dominus vester venturus
sit.
R.
Et vos similes hominibus exspectantibus dominum suum, quando
revertatur a nuptiis.
V.
Jube domne benedicere.
Benedictio.
Divinum
auxilium maneat semper nobiscum. Amen.
Lectio 8
Nec mirum est, quod dantur praecepta majora propter regnum
coelorum, et minora data sunt propter regnum terrenum, ab eodem
uno Deo, qui fecit coelum et terram.
De hac ergo justitia, quae major est,
per prophetam dicitur: Justitia tua sicut montes Dei: et hoc
bene significat, quod ab uno magistro, solo docendis tantis
rebus idoneo, docetur in monte. Sedens autem docet, quod
pertinet ad dignitatem magisterii. Et accedunt ad eum discipuli
ejus, ut audiendis illius verbis hi essent etiam corpore
viciniores, qui praeceptis adimplendis etiam animo
propinquabant. Et aperiens os suum docebat eos, dicens. Ista
circumlocutio, qua scribitur, Et aperiens os suum, fortassis
ipsa mora commendat aliquanto longiorem futurum esse sermonem.
Nisi forte non vacet, quod nunc eum dictum est aperuisse os
suum, quod ipse in lege veteri aperire soleret ora prophetarum.
V.
Tu autem Domine miserere nobis.
R.
Deo gratias
R.
Media nocte clamor factus est:
* Ecce sponsus venit, exite obviam ei.
V.
Prudentes Virgines, aptate vestras lampades.
R.
Ecce sponsus venit, exite obviam ei.
V.
Glória Patri, et Fílio, * et Spirítui Sancto.
R.
Ecce sponsus venit, exite obviam ei.
V.
Jube domne benedicere.
Benedictio.
Ad societatem
civium supernorum perducat nos Rex Angelorum.
Amen.
Lectio 9
Quid ergo dicit? Beati pauperes spiritu: quoniam ipsorum est
regnum coelorum.
Legimus scriptum de appetitione rerum temporalium: Omnia
vanitas, et praesumptio spiritus. Praesumptio autem spiritus,
audaciam et superbiam significat. Vulgo etiam magnos spiritus
superbi habere dicuntur: et recte, quandoquidem spiritus etiam
ventus vocatur. Unde scriptum est: Ignis, grando, nix, glacies,
spiritus procellarum. Quis vero
nesciat superbos inflatos dici, tamquam vento distentos? Unde
est etiam illud Apostoli: Scientia inflat, caritas vero
aedificat.
Quapropter recte hic intelliguntur pauperes spiritu, humiles et
timentes Deum, id est, non habentes inflantem spiritum.
V.
Tu autem Domine miserere nobis.
R.
Deo gratias
Te Deum
Te
Deum laudamus: te Dominum confitemur.
Te aeternum Patrem, omnis terra veneratur.
Tibi omnes angeli, tibi coeli et universae potestates:
Tibi cherubim et seraphim incessabili voce proclamant:
Sanctus, Sanctus, Sanctus, Dominus Deus Sabaoth.
Pleni sunt coeli et terra majestatis gloriae tuae.
Te gloriosus apostolorum chorus,
Te prophetarum laudabilis numerus,
Te martyrum candidatus laudat exercitus.
Te per orbem terrarum sancta confitetur Ecclesia,
Patrem immensae majestatis;
Venerandum tuum verum et unicum Filium;
Sanctum quoque Paraclitum Spiritum.
Tu rex gloriae, Christe.
Tu Patris sempiternus es Filius.
Tu, ad liberandum suscepturus hominem,
non horruisti Virginis uterum.
Tu, devicto mortis aculeo,
aperuisti credentibus regna coelorum.
Tu ad dexteram Dei sedes, in gloria Patris.
Judex crederis esse venturus.
Sequens versus dicitur flexis
genibus
Te ergo quaesumus, tuis famulis subveni, quos pretioso sanguine
redemisti.
Aeterna fac cum sanctis tuis in gloria numerari.
Salvum fac
populum tuum, Domine, et benedic hereditati tuae.
Et rege eos, et extolle illos usque in aeternum.
Per singulos dies benedicimus te; et laudamus nomen tuum in
saeculum, et in saeculum saeculi.
Dignare, Domine, die isto sine
peccato nos custodire.
Miserere nostri, Domine, miserere nostri.
Fiat misericordia tua, Domine, super nos,quemadmodum speravimus
in te.
In te, Domine, speravi: non confundar in aeternum.
Omit sequentibus nisi Laudes separandum est
Oratio
{ex Proprio Sanctorum}
V.
Domine exaudi orationem meam
R.
Et clamor meus ad te veniat
Oremus
Omnipotens sempiterne Deus, qui nos omnium Sanctorum tuorum
merita sub una tribuisti celebritate venerari: quaesumus; ut
desideratam nobis tuae propitiationis abundantiam, multiplicatis
intercessoribus largiaris.
Per
Dominum nostrum Jesum Christum, Filium tuum: qui tecum vivit et
regnat in unitate Spiritus Sancti Deus, per omnia saecula
saeculorum.
R.
Amen.
V.
Domine exaudi orationem meam
R.
Et clamor meus ad te veniat
Conclusion
V.
Benedicamus Domino
R.
Deo gratias
V.
Fidelium animae per misericordiam Dei requiescant in pace.
R.
Amen. |
