|
Incipit
V.
Domine labia +
mea aperies.
R.
Et os meum annuntiabit laudem tuam.
V.
Deus +
in adjutorium meum
intende.
R.
Domine, ad adjuvandum me festina.
V.
Glória Patri, et Fílio, * et Spirítui Sancto.
R.
Sicut erat in princípio, et nunc, et semper, * et in saecula
saeculórum. Amen
Alleluia
Invitatorium
{Antiphona ex Commune aut Festum}
Ant.
Domum Dei decet sanctitudo: * Sponsum ejus Christum adoremus in
ea.
Ant.
Domum Dei decet sanctitudo: * Sponsum ejus Christum adoremus in
ea.
Venite,
exsultemus Domino, jubilemus Deo, salutari nostro: praeoccupemus
faciem ejus in confessione, et in psalmis jubilemus ei.
Ant.
Domum Dei decet sanctitudo: * Sponsum ejus Christum adoremus in
ea.
Quoniam
Deus magnus Dominus, et Rex magnus super omnes deos: quoniam non
repellet Dominus plebem suam: quia in manu ejus sunt omnes fines
terrae, et altitudines montium ipse conspicit.
Ant.
Sponsum ejus Christum adoremus in ea.
Quoniam
ipsius est mare, et ipse fecit illud, et aridam fundaverunt
manus ejus: venite, adoremus, et procidamus ante Deum: ploremus
coram Domino, qui fecit nos, quia ipse est Dominus, Deus noster;
nos autem populus ejus, et oves pascuae ejus.
Ant.
Domum Dei decet sanctitudo: * Sponsum ejus Christum adoremus in
ea.
Hodie,
si vocem ejus audieritis, nolite obdurare corda vestra, sicut in
exacerbatione secundum diem tentationis in deserto ubi
tentaverunt me patres vestri, probaverunt et viderunt opera mea.
Ant.
Sponsum ejus Christum adoremus in ea.
Quadraginta
annis proximus fui generationi huic, et dixi: Semper hi errant
corde; ipsi vero non cognoverunt vias meas: quibus juravi in ira
mea: Si introibunt in requiem meam.
Ant.
Domum Dei decet sanctitudo: * Sponsum ejus Christum adoremus in
ea.
V.
Glória Patri, et Fílio, * et Spirítui Sancto.
R.
Sicut erat in princípio, et nunc, et semper, * et in saecula
saeculórum. Amen
Ant.
Sponsum ejus Christum adoremus in ea.
Ant.
Domum Dei decet sanctitudo: * Sponsum ejus Christum adoremus in
ea.
Hymnus
{ex Commune aut Festum}
Coelestis
urbs Jerusalem,
Beata pacis visio,
Quae celsa de viventibus
Saxis ad astra tolleris,
Sponsaeque ritu cingeris
Mille angelorum millibus.
O sorte nupta prospera,
Dotata Patris gloria,
Respersa sponsi gratia,
Regina formosissima,
Christo jugata principi,
Coeli corusca civitas.
Hic margaritis emicant,
Patentque cunctis ostia:
Virtute namque praevia
Mortalis illuc ducitur,
Amore Christi percitus
Tormenta quisquis sustinet.
Scalpri salubris ictibus,
Et tunsione plurima,
Fabri polita malleo
Hanc saxa molem construunt,
Aptisque juncta nexibus
Locantur in fastigio.
Decus Parenti debitum
Sit usquequaque Altissimo,
Natoque Patris unico,
Et inclyto Paraclito,
Cui laus, potestas, gloria
Aeterna sit per saecula.
Amen.
Psalmi cum
lectionibus
{Antiphonas et Psalmi ex Commune aut Festum}
Nocturn I.
Ant.
Tollite * portas principes vestras, et elevamini portae
aeternales
Psalmus 23
[1]
23:1
Dómini est terra, et plenitúdo ejus: * orbis terrárum, et
univérsi qui hábitant in eo.
23:2
Quia ipse super mária fundávit eum: * et super flúmina
præparávit eum.
23:3
Quis ascéndet in montem Dómini? * aut quis stabit in loco sancto
ejus?
23:4
Ínnocens mánibus et mundo corde, * qui non accépit in vano
ánimam suam, nec jurávit in dolo próximo suo.
23:5
Hic accípiet benedictiónem a Dómino: * et misericórdiam a Deo,
salutári suo.
23:6
Hæc est generátio quæréntium eum, * quæréntium fáciem Dei Jacob.
23:7
Attóllite portas, príncipes, vestras, et elevámini, portæ
æternáles: * et introíbit Rex glóriæ.
23:8
Quis est iste Rex glóriæ? * Dóminus fortis et potens: Dóminus
potens in prælio.
23:9
Attóllite portas, príncipes, vestras, et elevámini, portæ
æternáles: * et introíbit Rex glóriæ.
23:10
Quis est iste Rex glóriæ? * Dóminus virtútum ipse est Rex glóriæ.
V.
Glória Patri, et Fílio, * et Spirítui Sancto.
R.
Sicut erat in princípio, et nunc, et semper, * et in saecula
saeculórum. Amen
Ant.
Tollite * portas principes vestras, et elevamini portae
aeternales
Ant.
Erit mihi * Dominus in Deum, et lapis iste vocabitur domus Dei
Psalmus 45
[2]
45:1
Deus noster refúgium, et virtus: * adjútor in tribulatiónibus,
quæ invenérunt nos nimis.
45:2
Proptérea non timébimus dum turbábitur terra: * et transferéntur
montes in cor maris.
45:3
Sonuérunt, et turbátæ sunt aquæ eórum: * conturbáti sunt montes
in fortitúdine ejus.
45:4
Flúminis ímpetus lætíficat civitátem Dei: * sanctificávit
tabernáculum suum Altíssimus.
45:5
Deus in médio ejus, non commovébitur: * adjuvábit eam Deus mane
dilúculo.
45:6
Conturbátæ sunt Gentes, et inclináta sunt regna: * dedit vocem
suam, mota est terra.
45:7
Dóminus virtútum nobíscum: * suscéptor noster Deus Jacob.
45:8
Veníte, et vidéte ópera Dómini, quæ pósuit prodígia super terram:
* áuferens bella usque ad finem terræ.
45:9
Arcum cónteret, et confrínget arma: * et scuta combúret igni.
45:10
Vacáte, et vidéte quóniam ego sum Deus: * exaltábor in Géntibus,
et exaltábor in terra.
45:11
Dóminus virtútum nobíscum: * suscéptor noster Deus Jacob.
V.
Glória Patri, et Fílio, * et Spirítui Sancto.
R.
Sicut erat in princípio, et nunc, et semper, * et in saecula
saeculórum. Amen
Ant.
Erit mihi * Dominus in Deum, et lapis iste vocabitur domus Dei
Ant.
Aedificavit * Moyses altare Domino Deo
Psalmus 47
[3]
47:1
Magnus Dóminus, et laudábilis nimis * in civitáte Dei nostri, in
monte sancto ejus.
47:2
Fundátur exsultatióne univérsæ terræ mons Sion, * látera
Aquilónis, cívitas Regis magni.
47:3
Deus in dómibus ejus cognoscétur: * cum suscípiet eam.
47:4
Quóniam ecce reges terræ congregáti sunt: * convenérunt in unum.
47:5
Ipsi vidéntes sic admiráti sunt, conturbáti sunt, commóti sunt:
* tremor apprehéndit eos.
47:6
Ibi dolóres ut parturiéntis: * in spíritu veheménti cónteres
naves Tharsis.
47:7
Sicut audívimus, sic vídimus in civitáte Dómini virtútum, in
civitáte Dei nostri: * Deus fundávit eam in ætérnum.
47:8
Suscépimus, Deus, misericórdiam tuam, * in médio templi tui.
47:9
Secúndum nomen tuum, Deus, sic et laus tua in fines terræ: *
justítia plena est déxtera tua.
47:10
Lætétur mons Sion, et exsúltent fíliæ Judæ: * propter judícia
tua, Dómine.
47:11
Circúmdate Sion, et complectímini eam: * narráte in túrribus
ejus.
47:12
Pónite corda vestra in virtúte ejus: * et distribúite domus
ejus, ut enarrétis in progénie áltera.
47:13
Quóniam hic est Deus, Deus noster in ætérnum et in sæculum
sæculi: * ipse reget nos in sæcula.
V.
Glória Patri, et Fílio, * et Spirítui Sancto.
R.
Sicut erat in princípio, et nunc, et semper, * et in saecula
saeculórum. Amen
Ant.
Aedificavit * Moyses altare Domino Deo
V.
Domum tuam Domine decet sanctitudo.
R.
In longitudinem dierum.
Pater
noster, qui es in caelis, Sanctificetur nomen tuum. Adveniat
regnum tuum. Fiat voluntas tua, sicut in coelo et in terra.
Panem nostrum quotidianum da nobis hodie. Et dimitte nobis
debita nostra, sicut et nos dimittimus debitoribus nostris.
V.
Et ne nos inducas in tentationem:
R.
Sed libera nos a malo.
Absolutio.
Exaudi, Domine Jesu Christe, preces servorum tuorum, et miserere nobis:
Qui cum Patre et Spiritu Sancto vivis et regnas in saecula
saeculorum. Amen.
V.
Jube domne benedicere.
Benedictio.
Benedictione
perpetua benedicat nos Pater aeternus. Amen.
Lectio 1
De libro Apocalypsis beati Joannis Apostoli.
Rev 21:9-11
9
Et venit unus de septem angelis habentibus phialas plenas septem
plagis novissimis, et locutus est mecum, dicens: Veni, et
ostendam tibi sponsam, uxorem Agni.
10
Et sustulit me in spiritu in montem magnum et altum, et ostendit
mihi civitatem sanctam Jerusalem descendentem de caelo a Deo,
11
Habentem claritatem Dei: et lumen ejus simile lapidi pretioso
tamquam lapidi jaspidis, sicut crystallum.
V.
Tu autem Domine miserere nobis.
R.
Deo gratias
R.
In dedicatione templi decantabat populus laudem:
* Et in ore eorum dulcis resonabat sonus.
V.
Fundata est domus Domini supra verticem montium, et venient ad
eam omnes Gentes.
R.
Et in ore eorum dulcis resonabat sonus.
V.
Jube domne benedicere.
Benedictio.
Unigenitus
Dei Filius nos benedicere et adjuvare dignetur. Amen
Lectio 2
Rev 21:12-15
12
Et habebat murum magnum, et altum, habentem portas duodecim: et
in portis angelos duodecim, et nomina inscripta, quae sunt
nomina duodecim tribuum filiorum Israël:
13
Ab oriente portae tres, et ab aquilone portae tres, et ab austro
portae tres, et ab occasu portae tres.
14
Et murus civitatis habens fundamenta duodecim, et in ipsis
duodecim nomina duodecim apostolorum Agni.
15
Et qui loquebatur mecum, habebat mensuram arundineam auream, ut
metiretur civitatem, et portas ejus, et murum.
V.
Tu autem Domine miserere nobis.
R.
Deo gratias
R.
Fundata est domus Domini supra verticem montium, et exaltata est
super omnes colles:
* Et venient ad eam omnes Gentes, et dicent: Gloria tibi Domine.
V.
Venientes autem venient cum exsultatione, portantes manipulos
suos.
R.
Et venient ad eam omnes Gentes, et dicent: Gloria tibi Domine.
V.
Jube domne benedicere.
Benedictio.
Spiritus
Sancti gratia illuminet sensus et corda nostra. Amen.
Lectio 3
Rev 21:16-18
16
Et civitas in quadro posita est, et longitudo ejus tanta est
quanta et latitudo: et mensus est civitatem de arundine aurea
per stadia duodecim millia: et longitudo, et altitudo, et
latitudo ejus aequalia sunt.
17
Et mensus est murum ejus centum quadraginta quatuor cubitorum,
mensura hominis, quae est angeli.
18
Et erat structura muri ejus ex lapide jaspide: ipsa vero civitas
aurum mundum simile vitro mundo.
V.
Tu autem Domine miserere nobis.
R.
Deo gratias
R.
Benedic Domine domum istam, quam sedificavi nomini tuo:
venientium in loco isto
* Exaudi preces in excelso solio gloriae tuae.
V.
Domine, si conversus fuerit populus tuus, et oraverit ad
sanctuarium tuum.
R.
Exaudi preces in excelso solio gloriae tuae.
V.
Glória Patri, et Fílio, * et Spirítui Sancto.
R.
Exaudi preces in excelso solio gloriae tuae.
Nocturn II.
Ant.
Non est hic aliud, * nisi domus Dei, et porta caeli
Psalmus 83
[4]
83:1
Quam dilécta tabernácula tua, Dómine virtútum: * concupíscit, et
déficit ánima mea in átria Dómini.
83:2
Cor meum, et caro mea * exsultavérunt in Deum vivum.
83:3
Étenim passer invénit sibi domum: * et turtur nidum sibi, ubi
ponat pullos suos.
83:4
Altária tua, Dómine virtútum: * Rex meus, et Deus meus.
83:5
Beáti, qui hábitant in domo tua, Dómine: * in sæcula sæculórum
laudábunt te.
83:6
Beátus vir, cujus est auxílium abs te: * ascensiónes in corde
suo dispósuit, in valle lacrimárum in loco, quem pósuit.
83:7
Étenim benedictiónem dabit legislátor, ibunt de virtúte in
virtútem: * vidébitur Deus deórum in Sion.
83:9
Dómine, Deus virtútum, exáudi oratiónem meam: * áuribus pércipe,
Deus Jacob.
83:10
Protéctor noster, áspice, Deus: * et réspice in fáciem Christi
tui:
83:11
Quia mélior est dies una in átriis tuis, * super míllia.
83:12
Elégi abjéctus esse in domo Dei mei: * magis quam habitáre in
tabernáculis peccatórum.
83:13
Quia misericórdiam, et veritátem díligit Deus: * grátiam et
glóriam dabit Dóminus.
83:13
Non privábit bonis eos, qui ámbulant in innocéntia: * Dómine
virtútum, beátus homo, qui sperat in te.
V.
Glória Patri, et Fílio, * et Spirítui Sancto.
R.
Sicut erat in princípio, et nunc, et semper, * et in saecula
saeculórum. Amen
Ant.
Non est hic aliud, * nisi domus
Dei, et porta caeli
Ant.
Vidit Jacob scalam, * summitas ejus caelos tangebat, et
descendentes Angelos, et dixit: Vere locus iste sanctus est
Psalmus 86
[5]
86:1
Fundaménta ejus in móntibus sanctis: * díligit Dóminus portas
Sion super ómnia tabernácula Jacob.
86:2
Gloriósa dicta sunt de te, * cívitas Dei.
86:3
Memor ero Rahab, et Babylónis * sciéntium me.
86:4
Ecce, alienígenæ, et Tyrus, et pópulus Æthíopum, * hi fuérunt
illic.
86:5
Numquid Sion dicet: Homo, et homo natus est in ea: * et ipse
fundávit eam Altíssimus?
86:6
Dóminus narrábit in scriptúris populórum, et príncipum: * horum,
qui fuérunt in ea.
86:7
Sicut lætántium ómnium * habitátio est in te.
V.
Glória Patri, et Fílio, * et Spirítui Sancto.
R.
Sicut erat in princípio, et nunc, et semper, * et in saecula
saeculórum. Amen
Ant.
Vidit Jacob scalam, * summitas ejus caelos tangebat, et
descendentes Angelos, et dixit: Vere locus iste sanctus est
Ant.
rexit Jacob lapidem in titulum, fundens oleum desuper
Psalmus 87
[6]
87:1
Dómine, Deus salútis meæ: * in die clamávi, et nocte coram te.
87:2
Intret in conspéctu tuo orátio mea: * inclína aurem tuam ad
precem meam:
87:3
Quia repléta est malis ánima mea: * et vita mea inférno
appropinquávit.
87:4
Æstimátus sum cum descendéntibus in lacum: * factus sum sicut
homo sine adjutório, inter mórtuos liber.
87:5
Sicut vulneráti dormiéntes in sepúlcris, quorum non es memor
ámplius: * et ipsi de manu tua repúlsi sunt.
87:6
Posuérunt me in lacu inferióri: * in tenebrósis, et in umbra
mortis.
87:7
Super me confirmátus est furor tuus: * et omnes fluctus tuos
induxísti super me.
87:8
Longe fecísti notos meos a me: * posuérunt me abominatiónem
sibi.
87:9
Tráditus sum, et non egrediébar: * óculi mei languérunt præ
inópia.
87:10
Clamávi ad te, Dómine, tota die: * expándi ad te manus meas.
87:11
Numquid mórtuis fácies mirabília: * aut médici suscitábunt, et
confitebúntur tibi?
87:12
Numquid narrábit áliquis in sepúlcro misericórdiam tuam, * et
veritátem tuam in perditióne?
87:13
Numquid cognoscéntur in ténebris mirabília tua, * et justítia
tua in terra obliviónis?
87:14
Et ego ad te, Dómine, clamávi: * et mane orátio mea prævéniet
te.
87:15
Ut quid, Dómine, repéllis oratiónem meam: * avértis fáciem tuam
a me?
87:16
Pauper sum ego, et in labóribus a juventúte mea: * exaltátus
autem, humiliátus sum et conturbátus.
87:17
In me transiérunt iræ tuæ: * et terróres tui conturbavérunt me.
87:18
Circumdedérunt me sicut aqua tota die: * circumdedérunt me
simul.
87:19
Elongásti a me amícum et próximum: * et notos meos a miséria.
V.
Glória Patri, et Fílio, * et Spirítui Sancto.
R.
Sicut erat in princípio, et nunc, et semper, * et in saecula
saeculórum. Amen
Ant.
rexit Jacob lapidem in titulum, fundens oleum desuper
V.
Domus mea.
R.
Domus orationis vocabitur.
Pater
noster, qui es in caelis, Sanctificetur nomen tuum. Adveniat
regnum tuum. Fiat voluntas tua,
sicut in coelo et in terra.
Panem nostrum quotidianum da nobis hodie. Et dimitte nobis
debita nostra, sicut et nos dimittimus debitoribus nostris.
V.
Et ne nos inducas in tentationem:
R.
Sed libera nos a malo.
Absolutio.
Ipsius pietas et misericordia nos adjuvet, qui cum Patre et Spiritu
Sancto vivit et regnat in saecula saeculorum.
Amen.
V.
Jube domne, benedicere.
Benedictio.
Deus Pater
omnipotens sit nobis propitius et clemens. Amen.
Lectio 4
Ritus quos in consecrandis ecclesiis et altaribus Romana servat
Ecclesia, beatus Silvester Papa primus instituit. Nam etsi jam
ab Apostolorum tempore loca fuerunt Deo dicata, quae a quibusdam
Oratoria, ab aliis Ecclesiae dicebantur, ubi collectae fiebant
per unam sabbati, et christianus populus orare, Dei verbum
audire, et Eucharistiam sumere solitus erat: non tamen illa adeo
solemni ritu consecrabantur, nec in eis adhuc in titulum erectum
erat altare, quod chrismate delibutum, Domini nostri Jesu
Christi, qui altare, hostia et sacerdos noster est, figuram
exprimeret.
V.
Tu autem Domine miserere nobis.
R.
Deo gratias
R.
Orantibus in loco isto,
* Dimitte peccata populi tui Deus, et ostende eis viam bonam,
per quam ambulent, et da gloriam in loco isto.
V.
Qui regis Israel intende, qui deducis velut ovem Joseph, qui
sedes super Cherubim.
R.
Dimitte peccata populi tui Deus, et ostende eis viam bonam, per
quam ambulent, et da gloriam in loco isto.
V.
Jube domne, benedicere.
Benedictio.
Christus
perpetuae det nobis gaudia vitae. Amen.
Lectio 5
Sed ubi Constantinus imperator per baptismi sacramentum
sanitatem salutemque consecutus est, tum primum lege ab eo lata
concessum est toto orbe terram, Christiani ut ecclesias
aedificarent: quos ille non solum edicto, sed etiam exemplo ad
sacram aedificationem est cohortatus.
Nam et in suo Lateranensi palatio ecclesiam Salvatori dedicavit, et ei
continentem basilicam nomine sancti Joannis Baptistae condidit,
eo loco quo ipse, baptizatus a sancto Silvestro, a lepra
mundatus est: quam idem Pontifex consecravit quinto Idus
Novembris: cujus consecrationis memoria celebratur hodierno die,
quo primum Romae publice ecclesia consecrata est, et imago
Salvatoris in pariete depicta populo romano apparuit.
V.
Tu autem Domine miserere nobis.
R.
Deo gratias
R.
O quam metuendus est locus iste:
* Vere non est hic aliud, nisi domus Dei, et porta coeli.
V.
Haec est domus Domini firmiter aedificata, bene fundata est
supra firmam petram.
R.
Vere non est hic aliud, nisi domus Dei, et porta coeli.
V.
Jube domne, benedicere.
Benedictio.
Ignem sui
amoris accendat Deus in cordibus nostris. Amen.
Lectio 6
Quod si beatus Silvester postea in consecratione altaris
Principis Apostolorum decrevit, ut deinceps nisi ex lapide
altaria non aedificarentur, tamen basilicae Lateranensis altare
fuit e ligno erectum: quod mirum non est.
Nam cum a sancto Petro usque ad
Silvestrum, propter persecutiones, Pontifices certo loco
consistere non possent: quocumque eos necessitas compulisset,
sive in cryptas, sive in coemeteria, sive in aedes piorum, super
illo altari ligneo ad arcae similitudinem concavo, sacra
faciebant. Quo altari sanctus Silvester, reddita Ecclesiae pace,
honoris causa Principis Apostolorum, qui in illo sacrificasse
dicitur, et reliquorum Pontificum, qui usque ad id tempus ad
mysteria conficienda eo usi fuerant, in Lateranensi prima
ecclesia collocato, sancivit ne quisquam in eo, praeter Romanum
Pontificem, Missam deinceps celebraret. Eamdem ecclesiam
incendiis, vastationibus, terrae insuper motibus disjectam
eversamque, ac sedula Summorum Pontificum cura reparatam, nova
postmodum molitione restitutam, Benedictus decimus tertius
Pontifex Maximus ordinis Praedicatorum, die vigesima octava
Aprilis anni millesimi septingentesimi vigesimi sexti, ritu
solemni consecravit, ejusque celebritatis memoriam hac die
recolendam statuit. Quod autem Pius nonus perficiéndum
censúerat, Leo décimus tértius cellam máximam, vetustáte
fatiscéntem, ingénti molitióne producéndam laxandámque curávit;
vetus musívum, multis jam ántea pártibus instaurátum, ad
antíquum exémplar restítui et in novam ábsidem, ópere cultúque
magnífico exornátam, transférri; aulam transvérsam, laqueári et
contignatióne reféctis, expolíri jussit, anno millésimo
octingentésimo octuagésimo quarto; sacrário, æde canonicórum,
perpetuáque ad baptistérium Constantiniánum pórticu adjéctis.
V.
Tu autem Domine miserere nobis.
R.
Deo gratias
R.
Mane surgens Jacob erigebat lapidem in titulum, fundens oleum
desuper, votum vovit Domino:
* Vere locus iste sanctus est, et ego nesciebam.
V.
Cumque evigilasset Jacob de somno, ait.
R.
Vere locus iste sanctus est, et ego nesciebam.
V.
Glória Patri, et Fílio, * et Spirítui Sancto.
R.
Vere locus iste sanctus est, et ego nesciebam.
Nocturn III.
Ant.
Qui habitat in adjutorio Altissimi, in protectione Dei caeli
commorabitur
Psalmus 90
[7]
90:1
Qui hábitat in adjutório Altíssimi, in protectióne Dei cæli
commorábitur. ‡
90:2
Dicet Dómino: Suscéptor meus es tu, et refúgium meum: * Deus
meus sperábo in eum.
90:3
Quóniam ipse liberávit me de láqueo venántium, * et a verbo
áspero.
90:4
Scápulis suis obumbrábit tibi: * et sub pennis ejus sperábis.
90:5
Scuto circúmdabit te véritas ejus: * non timébis a timóre
noctúrno,
90:6
A sagítta volánte in die, a negótio perambulánte in ténebris: *
ab incúrsu, et dæmónio meridiáno.
90:7
Cadent a látere tuo mille, et decem míllia a dextris tuis: * ad
te autem non appropinquábit.
90:8
Verúmtamen óculis tuis considerábis: * et retributiónem
peccatórum vidébis.
90:9
Quóniam tu es, Dómine, spes mea: * Altíssimum posuísti refúgium
tuum.
90:10
Non accédet ad te malum: * et flagéllum non appropinquábit
tabernáculo tuo.
90:11
Quóniam Ángelis suis mandávit de te: * ut custódiant te in
ómnibus viis tuis.
90:12
In mánibus portábunt te: * ne forte offéndas ad lápidem pedem
tuum.
90:13
Super áspidem, et basilíscum ambulábis: * et conculcábis leónem
et dracónem.
90:14
Quóniam in me sperávit, liberábo eum: * prótegam eum, quóniam
cognóvit nomen meum.
90:15
Clamábit ad me, et ego exáudiam eum: * cum ipso sum in
tribulatióne: erípiam eum et glorificábo eum.
90:16
Longitúdine diérum replébo eum: * et osténdam illi salutáre
meum.
V.
Glória Patri, et Fílio, * et Spirítui Sancto.
R.
Sicut erat in princípio, et nunc, et semper, * et in saecula
saeculórum. Amen
Ant.
Qui habitat in adjutorio Altissimi, in protectione Dei caeli
commorabitur
Ant.
Templum Domini * sanctum est, Dei structura est, Dei aedificatio
est
Psalmus 95
[8]
95:1
Cantáte Dómino cánticum novum: * cantáte Dómino, omnis terra.
95:2
Cantáte Dómino, et benedícite nómini ejus: * annuntiáte de die
in diem salutáre ejus.
95:3
Annuntiáte inter gentes glóriam ejus, * in ómnibus pópulis
mirabília ejus.
95:4
Quóniam magnus Dóminus, et laudábilis nimis: * terríbilis est
super omnes deos.
95:5
Quóniam omnes dii géntium dæmónia: * Dóminus autem cælos fecit.
95:6
Conféssio, et pulchritúdo in conspéctu ejus: * sanctimónia et
magnificéntia in sanctificatióne ejus.
95:7
Afférte Dómino, pátriæ géntium, afférte Dómino glóriam et
honórem: * afférte Dómino glóriam nómini ejus.
95:8
Tóllite hóstias, et introíte in átria ejus: * adoráte Dóminum in
átrio sancto ejus.
95:9
Commoveátur a fácie ejus univérsa terra: * dícite in géntibus
quia Dóminus regnávit.
95:10
Étenim corréxit orbem terræ qui non commovébitur: * judicábit
pópulos in æquitáte.
95:11
Læténtur cæli, et exsúltet terra: commoveátur mare, et plenitúdo
ejus: * gaudébunt campi, et ómnia quæ in eis sunt.
95:12
Tunc exsultábunt ómnia ligna silvárum a fácie Dómini, quia
venit: * quóniam venit judicáre terram.
95:13
Judicábit orbem terræ in æquitáte, * et pópulos in veritáte sua.
V.
Glória Patri, et Fílio, * et Spirítui Sancto.
R.
Sicut erat in princípio, et nunc, et semper, * et in saecula
saeculórum. Amen
Ant.
Templum Domini * sanctum est, Dei structura est, Dei aedificatio
est
Ant.
Benedicta * gloria Domini, de loco sancto suo, alleluia
Psalmus 98
[9]
98:1
Dóminus regnávit, irascántur pópuli: * qui sedet super Chérubim,
moveátur terra.
98:2
Dóminus in Sion magnus: * et excélsus super omnes pópulos.
98:3
Confiteántur nómini tuo magno: quóniam terríbile, et sanctum
est: * et honor regis judícium díligit.
98:4
Tu parásti directiónes: * judícium et justítiam in Jacob tu
fecísti.
98:5
Exaltáte Dóminum, Deum nostrum, et adoráte scabéllum pedum ejus:
* quóniam sanctum est.
98:6
Móyses et Aaron in sacerdótibus ejus: * et Sámuel inter eos, qui
ínvocant nomen ejus:
98:7
Invocábant Dóminum, et ipse exaudiébat eos: * in colúmna nubis
loquebátur ad eos.
98:8
Custodiébant testimónia ejus, * et præcéptum quod dedit illis.
98:9
Dómine, Deus noster, tu exaudiébas eos: * Deus, tu propítius
fuísti eis, et ulcíscens in omnes adinventiónes eórum.
98:10
Exaltáte Dóminum, Deum nostrum, et adoráte in monte sancto ejus:
* quóniam sanctus Dóminus, Deus noster.
V.
Glória Patri, et Fílio, * et Spirítui Sancto.
R.
Sicut erat in princípio, et nunc, et semper, * et in saecula
saeculórum. Amen
Ant.
Benedicta * gloria Domini, de loco sancto suo, alleluia
V.
Haec est domus Domini firmiter aedificata.
R.
Bene fundata est supra firmam petram.
Pater
noster, qui es in caelis, Sanctificetur nomen tuum. Adveniat
regnum tuum. Fiat voluntas tua,
sicut in coelo et in terra.
Panem nostrum quotidianum da nobis hodie. Et dimitte nobis
debita nostra, sicut et nos dimittimus debitoribus nostris.
V.
Et ne nos inducas in tentationem:
R.
Sed libera nos a malo.
Absolutio.
A vinculis peccatorum nostrorum absolvat nos omnipotens et misericors
Dominus. Amen.
V.
Jube domne benedicere.
Benedictio.
Evangelica
lectio sit nobis salus et protectio. Amen.
Lectio 7
Lectio sancti Evangelii secundum Lucam.
Luke 19:1-10
In illo tempore: Ingressus Jesus perambulabat Jericho. Et ecce
vir nomine Zachaeus: et hic princeps erat publicanorum, et ipse
dives. Et reliqua.
Homilia sancti Ambrosii Episcopi.
Lib. 8. in Luc. prope finem.
Zachaeus statura pusillus, hoc est, nulla nobilitatis ingenitas
dignitate sublimis, exiguus meritis sicut populus nationum,
audito Domini Salvatoris adventu, quem sui non receperant,
videre cupiebat. Sed nemo facile Jesum videt: nemo potest Jesum
videre constitutus in terra. Et quia non prophetas, non legem
habebat, tamquam formae gratiam naturalis, ascendit in
sycomorum, vanitatem scilicet Judaeorum vestigio suo proterens,
errata quoque corrigens superioris aetatis: et ideo Jesum in
interioris domus recepit hospitio.
V.
Tu autem Domine miserere nobis.
R.
Deo gratias
R.
Domus mea, domus orationis vocabitur, dicit Dominus: in ea omnis
qui petit, accipit; et qui quaerit, invenit:
* Et pulsanti aperietur.
V.
Petite, et accipietis: quaerite, et invenietis.
R.
Et pulsanti aperietur.
V.
Jube domne benedicere.
Benedictio.
Quorum festum
colimus, ipsi intercedant pro nobis ad Dominum. Amen.
Lectio 8
Et bene ascendit in arborem, ut arbor bona bonos fructus
faceret: ac naturali excisus oleastro, et contra naturam
insertus in bonam olivam, fructum posset legis afferre. Radix
enim sancta, etsi rami imitiles: quorum infructuosam gloriam
plebs Gentium fide resurrectionis, quasi quadam corporis
elevatione transcdndit. Zachaeus ergo in sycomoro, caecus in
via: quorum alterum Dominus miseraturus expectat, alterum
mansionis suae claritate nobilitat: alterum sanaturus
interrogat, apud alterum se non invitatus invitat. Sciebat enim
liberem hospitii sui esse mercedem. Sed tamen, etsi nondum vocem
invitantis audierat, jam viderat affectum.
V.
Tu autem Domine miserere nobis.
R.
Deo gratias
R.
Lapides pretiosi omnes muri tui:
* Et turres Jerusalem gemmis aedificabuntur.
V.
Portae Jerusalem ex sapphiro et smaragdo aedificabuntur, et ex
lapide pretioso omnis circiutus muri ejus.
R.
Et turres Jerusalem gemmis aedificabuntur.
V.
Glória Patri, et Fílio, * et Spirítui Sancto.
R.
Et turres Jerusalem gemmis aedificabuntur.
V.
Jube domne benedicere.
Benedictio.
Ad societatem
civium supernorum perducat nos Rex Angelorum. Amen.
Lectio 9
Verum ne caecum illum tamquam fastidiosi pauperum cito
reliquisse videamur, et transisse ad divitem, expectemus eum,
quia expectavit et Dominus: interrogemus eum, quia interrogavit
et Christus. Nos interrogemus, quia nescimus: ille quia noverat.
Nos interrogemus, ut sciamus unde iste curatus sit: ille
interrogavit, ut in uno plures disceremus, unde Dominum videre
mereamur. Interrogavit enim, ut
crederemus, neminem nisi confitentem posse salvari.
V.
Tu autem Domine miserere nobis.
R.
Deo gratias
Te Deum
Te
Deum laudamus: te Dominum confitemur.
Te aeternum Patrem, omnis terra veneratur.
Tibi omnes angeli, tibi coeli et universae potestates:
Tibi cherubim et seraphim incessabili voce proclamant:
Sanctus, Sanctus, Sanctus, Dominus Deus Sabaoth.
Pleni sunt coeli et terra majestatis gloriae tuae.
Te gloriosus apostolorum chorus,
Te prophetarum laudabilis numerus,
Te martyrum candidatus laudat exercitus.
Te per orbem terrarum sancta confitetur Ecclesia,
Patrem immensae majestatis;
Venerandum tuum verum et unicum Filium;
Sanctum quoque Paraclitum Spiritum.
Tu rex gloriae, Christe.
Tu Patris sempiternus es Filius.
Tu, ad liberandum suscepturus hominem,
non horruisti Virginis uterum.
Tu, devicto mortis aculeo,
aperuisti credentibus regna coelorum.
Tu ad dexteram Dei sedes, in gloria Patris.
Judex crederis esse venturus.
Sequens versus dicitur flexis
genibus
Te ergo quaesumus, tuis famulis subveni, quos pretioso sanguine
redemisti.
Aeterna fac cum sanctis tuis in gloria numerari.
Salvum fac
populum tuum, Domine, et benedic hereditati tuae.
Et rege eos, et extolle illos usque in aeternum.
Per singulos dies benedicimus te; et laudamus nomen tuum in
saeculum, et in saeculum saeculi.
Dignare, Domine, die isto sine
peccato nos custodire.
Miserere nostri, Domine, miserere nostri.
Fiat misericordia tua, Domine, super nos,quemadmodum speravimus
in te.
In te, Domine, speravi: non confundar in aeternum.
Omit sequentibus nisi Laudes
separandum est
Oratio
{ex Proprio Sanctorum}
V.
Domine exaudi orationem meam
R.
Et clamor meus ad te veniat
Oremus
Deus, qui nobis per singulos annos hujus sancti templi tui
consecrationis reparas diem, et sacris semper mysteriis
repraesentas incolumes: exaudi preces populi tui, et praesta; ut
quisquis hoc templum beneficia petiturus ingreditur, cuncta se
impetrasse laetetur.
Per
Dominum nostrum Jesum Christum, Filium tuum: qui tecum vivit et
regnat in unitate Spiritus Sancti Deus, per omnia saecula
saeculorum.
R.
Amen.
V.
Domine exaudi orationem meam
R.
Et clamor meus ad te veniat
Conclusion
V.
Benedicamus Domino
R.
Deo gratias
V.
Fidelium animae per misericordiam Dei requiescant in pace.
R.
Amen. |
